Imbaw nga dili na angay panginhason

Makahigop kana gayod og init nga sabaw sa imbaw, Laydang!” gihagawhawan ko ang akong asawa nga hiabtan ko sulod sa among sibay nga nagpasuso sa bag-ong gihimugso namong unang panganay nga anak.

“Kay dako diay ang hunas Oming? Gihidlaw na baya ako og espiso nga sabaw sa imbaw ilabi na kun kamunggayan?” diha pay kaluya sa panuni sa tingog ni Laydang.

“Subra!” mubo kong tubag.

Ambot unsang hitaboa ... nga gikan pa sa pagpangala ni Laydang, hangtud na kini nga nanganak ... kanunay man gihapon nga mangandoy nga makahigop og init nga sabaw sa imbaw?

Wa ko maglangan. Mipadayugdog gilayon ako sa hunasan diin usa sa akong nayanghagan si Kumare Porlang nga timprano diay nga miadto sa hunasan nga nakaalinggat nga mianam na og inayaay ang dagat padulong sa dakong paghunas.

“Pagkahinay god nimo og pitso ...Pre Oming ... nga manginhas ka man imbis mianam na sa pagsaka ang kantil sa pagtaob?” dihay sagol kinomedya kanako si Kumare Porlang nga usa ka dalagang guwang nga magtawganay kami og kumare.

“Di na gyud ngil-ad paminawon dinhi sa atong silingan ning atong balangay sa Kiwkiw, kun mahinayon nga ako ang inyong pakugoson ni Kumare Laydang sa inyong panganay nga anak!” hapit nalang mahushos ang sayal ni Kumare Porlang nga namulong nga sa akong tan-aw way gisul-ob nga underwear.

Wa nalang nako tubayi pa si Kumare Porlang, kay diha sa akong hunahuna ... makamata ako og imbaw. Wa ko ibuwag ang akong tinan-awan sa unahan. Pagkadaghan diay sa manginhasay sa among dapit ... kun moabot na ang tingpanghunas!

Nalukop ko nalang og subay ang hunasan ... apan bisan usa nalang wa akoy nakit-an? Unsaon na lang kaha niini? Gihidlaw ra ba intawon ang akong asawa og espiso nga sabaw sa imbaw nga kinamunggayan?

Ambot unsang hitaboa ... may nasiklapan man ako nga nagbungdo, dapit sa may bilahan ni Kumare Porlang nga kun wa ako masayop usa ka higante nga imbaw?

Gihilom ko og sagpo ang maong gituhoan kong imbaw ... nga dili makadapit og kasikas ... apan naunsa ba nga pagkaunsaaa ... nga mikalit man lang og pakiaykiay sa lawas si Kumare Porlang?

“Bahalaaaaa .... naaaaa ... langggg .... kun hutdonnn kooo saaa paghatagggg kiningggg akonggg tanang kuhaaa ngaaa imbawww ... Preee Ominggggg ... bastaaaa kanunayaaaa ogggg kupayyyy kanangggg gituhoannn mongggg imbawwww saaa akong .... bilahannnn ... kayyy hilabihang gilokaaaaa!’ ingon sa nag-udhak ang iyang sinultihan.

Didto pa ako makaamgo ... nga aduna diay klase sa imbaw nga dili na angay panginhason. (Kataposan)