Priso Kabalyero

Gula 2

“Sa wala ka pa madakpi sa mga polis unsay imong trabaho? Suginli ko sa imong kaagi kay gusto nako nga ang akong secretary dinhi sa opisina walay gitago kanako” matud ni Major Navarez ni Orchids.

Wala makalikay si Orchids. Iyang gitug-anan si Major Navarez nga nakahuman siya og kurso nga business administration apan gi-dismiss siya sa kompaniya uban sa ilang manager human masayri nga may relasyon sila.

Gitug-an usab ni Orchids nga napugos siya pagsulod isip dancer sa bar aron makakuwarta ug maatiman niya ang anak niya ug sa manager nga iyang gikarelasyon sa pagtrabaho niya isip personnel chief.

Nasayran ni Major Navarez nga igo ra g’yud diay nga nadamay si Orchids sa illegal nga binuhatan ni Ronald. “May gugma ka pa ba kang Ronald bisan pa sa nahitabo karon kanimo?” gisukna sa warden si Orchids.

“Wala na g’yud. Nasuko ko niya Sir kay gidugangan niya ang kalisud sa akong kaugmaon. Nabuwag na kanako ang akong anak,” nagpamahit sa mga ngabil si Orchids nga mibutyag sa iyang gibati.

“Buyno ayaw kabalaka, mahimo nga tugotan ko ikaw nga ipa-estar mo dinhi sa prisohan ang imong anak sulod sa pipila ka adlaw. Ikaw na ang mopuyo sa kuwarto nga anaa sa kilid sa akong opisina,” matud sa warden.

“Tinuod ka Sir?” daw dili makatuo si Orchids. “Wala ko magkomedya, apan ubos sa kondisyon nga pwede ko nga adto usab matulog sa kuwarto uban nimo,” nagngisi si Major Navarez.

Wala dayon makatingog si Orchids. “Ma-uwaw ko Sir uy kay ma-tsismis ta ana kay may makakita man g’yud kun mosulod kas kuwarto.”

Mingisi ang warden ug gipasabot si Orchids. “Ang kuwarto nga akong paestaran nimo dunay sekreto nga pultahan nga sumpay sa akong opisina. Gituyo ko kana kay sekreto ko na nga gawasanan.”

“Sa imong gisaysay kanako Orchids nasayran nako nga nagkinahanglan sa imong tabang ang imong mga ginikanan. Ayaw kabalaka, ako ang maghatagan kanimo og allowance,” matud ni Major Navarez.

Nakabantay si Orchids nga may gusto kaniya ang warden sa bilanggoan. Daw pilit kaayo kini’g tinan-awan kaniya ug mabantayan g’yud niya nga mosud-ong kini pagkalit sa iyang lawas ngadto na sa sampot.

“Anugon kaayo nang imong kagwapa Orchids nga isulod sa selda… pang-opisina na ang imong kagwapa mao nga dinhi ka lang sa akong opisina,” sa unang higayon giagbayan ni Major Navarez si Orchids. (Sumpayan)