Niluspad ang nawong ni Lily. Gilubok ang dughan sa kakulba. Namugnaw ang lawas dihang iyang nadungog ang katapusang pulong sa Pari nga natapos na ang Santos nga Misa nga gisaulog alang sa ilang kasal ni Ramon. Miabot na ang higayon nga iyang gikahadlokan. Sa dili madugay, mahibaw-an na gyud ni Ramon ang iyang tinagoan. Ang iyang puday walay lungag.
Sa laing bahin, nanginit sa kahinam ang lawas ni Ramon nga nadikit sa lawas ni Lily, dihang nanakay na sila sa awto nga maoy mohatod nila ngadto sa Marino Hotel. Usa sa mga kwarto sa Marino Hotel maoy ilang puy-an og tulo ka adlaw aron dili matugaw ang pagtagbaw sa ilang kahidlaw.
Nagkasapidsapid ang ilang linaktan nga nanulod sa kwarto.
Diha pa gani sa pultahan, gihukas dayon ni Lily ang iyang trahe sa kasal. Wa siya’y gibilin nga hapin sa mga tinagoang bahin sa iyang lawas. Miamag ang kahamis sa iyang pamanit. Mituybo sa katahom ang duha ka bungtod sa iyang dughan, ingon man ang puday diha sa iyang bilahan nga morag hubag nga walay buthanan.
Nakahubo usab dayon si Ramon. Gigakus dayon si Lily. Nag-akob ang ilang ngabil ug nagdula ang ilang dila. Hapit mangatumba sa ilang pagdinali og higda sa kama. Daling nakadailos ang kamot ni Ramon sa bilahan ni Lily. Napalid-ad siya sa kagilok dihang misugod na pagpangapkap ang kamot ni Ramon nga nangita sa tuhiltuhilon. Milunga si Ramon sa pagpangapkap dihang iyang namatikdan nga naghilak si Lily. Nagkurog ang tingog nga nangayo kaniya og pasaylo.
“Pasayloa ko, Mon, dili mo makit-an ang imong gipangita. Walay lungag ang akong puday. Karon ko lang kini gitug-an nga kasal na ta, pamasin nga pinaagi sa maong sakramento tuphon ang imong kasingkasing sa kalooy ug pasayloon mo ako sa akong paglimod. Gihigugma ko ikaw. Sayud ka, nga sukad sa atong pagkabata kanunay ko ikaw’ng gipangita una ako matulog. Dili ako malipayon kun mawala ka kanako, hinungdan nga gipalabi ko ang paglimod, sa kahadlok nga imong akong biyaan.”
“Don’t worry Love! Bag-o lang natong gipanumpaan nga mag-inunungay tang duha diha sa kalisud ug kahamugaway. Dili ko ikaw talikdan. Ang imong problema ako na usab nga problema. Ang imong puday nga walay lungag dili na problema karong panahona. Kadaghanan sa atong mga Doktor, eksperto na nga moopera aron usbon ang porma sa kinatawo sa lalake o babaye. Mahimo man gani nga ang pikoy sa bayot usbon og puday ... unsa pa kaha ang imong puday nga lungagan lang? Ugma atong ikunsulta sa akong amigong Doktor nga espesyalista mahitungod nianang matanga sa operasyon. Wagtanga na sa imong hunahuna ang imong gikahadlokan.”
Nahuwasan si Lily sa iyang kahadlok. Sa tumang kalipay, wala nay pugongpugong nga gigakus ug gidigo si Ramon sa iyang mga halok, inubanan sa matam-is nga pulong: “I love you Mon,...! love you Mon.” (Katapusan)