Nadunlan sa ulo sa kugita

Sure gayod ako Iska nga sa gabii unya human sa inyong kasal ni Bador, igo ka lang nga manug-ab sa kagamay sa buhi sa imong bana! sagol bugalbugal ang tuno sa sinultihan ni Uray Mimay.

“Hilabihan god kasapsing og lawas nianang Bador!”

Nabaniog na man god ning ilang kinatibuk-an nga dapit sa balangay sa Bugho, nga sakop ning ilang lungsod sa San Fernando, ang umaabot nga kasal ni Bador ug Iska.

“Maisip ta kining atong kasal mahal kong Iska karong umaabot nga Sabado, nga “June Bride”!” sagol panakla ang ganay sa sinultihan ni Bador ngadto sa iyang pangasaw-onon.

Ingon sa gihilasan si Iska. Gani, bisan sa kagulangon na nilang duha, nga pulos na matawag og mayaas pero alang kang Iska moduga gihapon siya sa panahon unya nga digamohon siya ning iyang bana nga mapadpad nalang kun mahanginan.

Dili gayod tiaw ang pagbasul ni Iska sa iyang kaugalingon kun ngano nga karon paman nga miabot kining iyang plano nga makigminyo? Imbis unta diha pa siya sa kadingding kanhi sa iyang ang kabatan-on nga pulos na pangunot ang iyang nawong, karon pa hinuon mangalisngaw ang dili kapugngan niyang kahidlaw?

Pagkadaghan ba kanhi sa nangindahay niyang kaulitawhan nga buot gayod unta kaniya mangasawa, apan ang tanan pulos niya gisalikway? Sobra man god siya kahimilian. Pruyba niini si Goryo, nga lunod patay niyang maghahalad kanhi ug karon nagpabilin nalang nga ulitawong guwang.

“Ready na diay ikaw sa kombate mahal kong Iska?” kalit lang nahagtos ang kahalawom sa paghanduraw ni Iska sa sangpit kaniya ni Bador.

Igo lamang niyang gipahiyoman ang iyang bana. Gipanguyawan na hinuon siya. Simbako makuyapan si Bador, unsaon na lang?

Ang sugang dagitabnon sa VECO kalit lang mi-brownout.

Ngitngit ang kinatibuk-an sa sibay nga ilang nahimutangan, diin alang kang Iska mao kini ang unang gabii diin iyang matagamtam ang kagamay sa buhi sa iyang bana.

Takulahaw nauyog. Lugos makaginhawa si Iska. Sagunson ang iyang inudhak May talagsaon nga mihuot nga kagahi.

“Tabanggggg .... intawonnnnnn ..... Nayyyy Mimayyyy ... kayyyy akooo gidunlannnn saaa kagahiiiii!” sagol minatay ang kainggit sa tingog ni Iska.

Uloooooo mannnnn kiniiii saaaa kugitaaaaaa .... anggg gipasulodddd saaaa ubosss saaaa akongggg bilahan niiiii Badorrrrrr!”

Gilili ni Uray Mimay ug iyang nakit-an nga kumagko diay sa tiil ni Bador. (Kataposan)