Tukso

Gisubay nila ni Ador ug Red Lips kadtong gamay’ng agianan hangtud nga didto sila misangko sa usa ka apartment.

Mingaw na kaayo sa maong dapit. Misaka sila sa hagdan ug mihunong si Red Lips atubangan sa usa ka pultahan. Gikuot sa dancer ang yawe gikan sa iyang bag dayon giablihan ang pultahan.

Gipasiga ni Red Lips ang suga sa kwarto. “Dali sulod, ayaw’g saba kay makamata unya sila sa pikas kwarto,” maguwang lang sa hagawhaw ang tingog ni Red Lips.

Mikuha si Red Lips ug usa ka basong tubig. “Imna na kadtong gipalit nako nga tambal para moabtik ka,” matud ni Red Lips. Tuod, giinom ni Ador ang usa ka capsule nga tambal. “Hutda na’g inom ang duha,” sa dancer pa.

Misulod si Red Lips sa banyo nga diha ra sulod sa kwarto. Taud-taud migawas kini apan nagsul-ob na lang og panti. Nakapanglad-ok sa laway si Ador nga nagsud-ong sa dancer.

Gipahiyuman siya ni Red Lips. Takulahaw lang nga milimbag si Junior ug nabatyagan ni Ador nga dili na kasagaran ang linihokan ni Junior. Daw susama na kini sa kahoy nga tuskig na kaayo.

“Ayaw’g saba,” misinyas si Red Lips pinaagi sa pagbutang sa usa niya ka tudlo nga gipababag sa iyang ba-ba.

Mipaduol si Red Lips kang Ador nga walay pupamilok nga nagsud-ong kaniya. Gigakus dayon siya sa ulitawo. Gisugdan dayon nila ang mainiton nga romansa ug takulahaw lang nga misamot kamingaw ang lawak.

Ang inigot lang sa katre nga gihigdaan nila ni Red Lips ug Ador maoy madungog sa kwarto nga giharian sa daw makamatay’ng kamingaw.

Giunay sa pagpahit ni Red Lips ang iyang pulahon nga mga ngabil aron nga dili siya matintal sa pag-agumod, apan panagsa molimbag siya sa kalalim.

Paniid ni Ador mikabat na og 45 minutos gikan sa pagsugod niya sa pagromansa ni Red Lips apan daw wala pay timailhan nga giabot og kakapoy si Junior. Gikahibulong kaayo kini ni Ador.

“Power ka kaayo karon Ador tungod sa imong giinom nga tambal,” hagawhaw ni Red Lips. Mipaspas si Ador sa iyang lihok hangtud nga miabut ra g’yud siya sa kinatumyan.

Nag-abot ang ginhawa ni Ador. Tabla ra og gitungas niya ang taas kaayong bakilid. “Grabe…na-tukso g’yud ko nimo Red Lips apan wala ko magmahay bisan og mahurot pa ang akong sweldo kay bunyag karon nako.”

“Apan ang tinuod Red Lips wala kami makabayad didto sa bar kay gidala man kita sa mga polis,” nagpahiyom si Ador nga mitug-an. Gitunol niya kang Red Lips ang P1,500. “Suki na ta ha?” ni Ador pa. (Kataposan)