Gula 2
Ingon sa nakorentehan ang kalawasan ni Ador dihang mibag-id na kaniya ang lawas sa gwapa ug seksi nga dancer.
“Ako diay si Pinky… pero tawga lang ko og Red Lips kay mao kana ang angga nila nako dinhi sa bar,” giingnan sa dancer si Ador. “Salamat nga nagkaila ta Red Lips, ako usab diay si Ador.”
Nagpahiyom lang nga nagtan-aw kanila ni Ador ug Red Lips ang higala sa ulitawo nga si Willy. “Hala nagmingaw man kining imong kauban Ador, pakuhaa na og iyang ikatibol,” sugyot sa dancer.
Sanglit diha man sila maglingkod atubangan g’yud sa stage hayag kaayo mao nga misugyot si Willy ngadto ni Red Lips nga mobalhin sila niadtong bakante nga lamesa sa daplin kay medyo ngitngit.
Human sila makabalhin sa laing lamesa, ingon sa inanay’ng mikagiw ang kauwaw ni Ador. Hinay-hinay nga gibalikan sa kainit ang iyang kalawasan ilabi na nga mibai-id na usab kaniya si Red Lips.
Misamot g’yud kainit ang kalawasan ni Ador dihang iyang nasimhot ang kahumot sa perfume nga gigamit ni Red Lips. Wala niya tuyoa nga mitindog si Junior.
“Kuhai ko’g Ladies drink Ador bi kay dili man sila mosugot nga motibol mi nga walay ladies drink,” giingnan ni Red Lips ang ulitawo. Gihunghongan ni Ador ang higala niya nga si Willy, nga abtik usab kaayo nga misinyas sa waiter. “Karon ka lang makaanhi sa bar Ador?” ni Red Lips pa ngadto kang Ador.
Wala mauwaw nga mitug-an si Ador nga sukad-masukad karon pa siya makasulod og bar. Nakapahiyom si Red Lips ug nabantang kaayo sa ulitawo ang kanindot sa porma sa mga ngabil sa dancer.
“Estoryaheeee! Daw dili makatoo si Red Lips sa gisulti ni Ador nga karon lang kini makasulod og bar.
“Tinuod bitaw Red Lips… dili nako ikauwaw nga mosulti nimo nga wala pa gani g’yud ko makatilaw og babaye,” ni Ador pa nga miangkon nga ignorante pa siya sa romansa.
Nag-edad na og 19 si Ador apan lahi sa bukid kay higpit kaayo ang mga dalaga nga dili gani hapit magpahikap bisan sa ilang bukton. Kini gani maoy rason nga wala siya mawili nga mibiya sa iyang hinigugma sa probinsya.
“Mao ba? Kun gusto ka ako’y mobunyag nimo Ador,” matud ni Red Lips nga mihikap-hikap dayon sa paa sa ulitawo. (Sumpayan)