Gula 7
“Nagpaabut ang imong customer day sa Room No. 11,” matud sa babaye nga nagpahibalo kang Lenie. “Sige mag-shower usa ko’g kadiyot,” ni Lenie pa ngadto sa iyang kauban.
Dali ra kaayo nga naka-shower si Lenie. Basa pa ang iyang buhok nga mipaingon sa Room No. 11. Gituktok niya ang pultahan. “Come in,” nadungog ni Lenie ang tingog sa usa ka lalaki didto sa sulod.
Giliso ni Lenie ang siradora sa pultahan. Wala tuod gi-lock. Pag-abli niya, nakita niya ang usa ka hamtung nga lalaki, usa tuod ka Insik. “Ikaw Lenie imo ngalan, ako bayad mahal kun imo lipayon karon gabii,” nagpahiyom ang Insik.
Nasabtan na g’yud ni Lenie nga ang iyang nasudlan nga trabaho, usa ka casa nga ang mga babaye magbaligya sa ilang pagka babaye ngadto sa mga lalaki nga uhaw sa romansa.
Gipahiyoman ni Lenie ang Insik nga sa iyang bana-bana kapin na sa 50 ang pangedaron. “Ikaw gwapa g’yud dayeg ko imo kaanyag. Kun imo ko lipayon, ako bayad nimo ten thousand,” matud sa Insik.
May gikuot ang Insik sa bulsa sa iyang karsones. Misiga ang mga mata ni Lenie kay daghang kwarta nga binandol ang iyang nakita. Giiphan siya’g dyes mil pesos sa Insik.
Gitunol sa Insik ang kwarta ngadto ni Lenie. “ Ako hatag pa dugang kwarta kun maayo imo serbisyo.”
Daw dili makatuo si Lenie sa kantidad nga iyang nadawat. Gidawat niya ug gisulod sa iyang bulsa. Sa kalipay, nagakus niya ang hamtung nga Insik. Gihagkan dayon siya sa Insik ug gigakus.
Wala na’y nahimo si Lenie. Gipaundayonan niya ang Insik sa iyang pagabuhaton. Inanay siyang mialalay sa kumbati sa kama uban sa Insik.Lahi sa natilawan ni Lenie kang Cardo ug niadtong taxi driver nga pinugos, nalipay siya karon sa Insik.
Gitagsa-tagsa paghukas sa Insik ang mga sapot ni Lenie. Gipakaligo sa mga hawok ang tibuok kalawasan sa dalaga.
Sa laing higayon nakutlo ang orchids ni Lenie. “Ako lipay kaayo imo performance. Ako hatag laing dyes mil,” matud sa Insik. Miawas sa kasing-kasing ang kalipay ni Lenie nga P20 mil ang iyang nadawat gikan sa adunahang Insik.
Wala na modawat pa’g laing customer si Lenie. Pagkaugma, sayo si Lenie nga milakaw nga wala na mananghid kang Cardo. Nakahukom siya nga talikdan ang iyang nasudlang trabaho ug mopauli sa ilang dapit sa Mindanao.
Nangayo’g pasaylo si Lenie sa iyang inahan nga wala mopatoo sa iyang tambag nga dili molangyaw nga walay klaro kun kinsa ang ubanan. (Kataposan)