Naghilak nga Bituon

“Bahin sa unsa?”

“Masayran mo ra unya kun mahiabot ka na diri. Unsang orasa ang estimated time sa imong arrival?”

“Mga 4:45, Flight no. 143 sa PAL ang akong sakyan.”

“Okey. Sugaton tikaw sa airport aron modiretso na kita sa dapit diin adto kita magsulti’g maayo.”

“Maayo hinuon kun imo kong sugaton kay wala ra ba masayod si Noy Teryo nga mobalik na ko karong adlawa diha sa Manila. Dili na lang ko manawag sa balay aron magpakuha sa akong driver kay naa ka na man.”

“Sige, magpaabot ko nimo sa NAIA.”

Ug gitapos na nila ang ilang panagsulti sa dihang nabati ni Jackie ang pahibalo pinaagi sa loud speaker sulod sa departure area nga pasakyon na ang tanang pasahero sa flight 143 sa PAL. Gi-off ni Jackie ang iyang cellphone.

“N-nganong nia ko nimo dad-a dinhi?” Giduyan sa kakulba ang pangutana ni Jackie sa iyang pagkaalinggat nga gidala siya ni Julio sa usa ka motel gikan sa airport.

“This is the right for us to talk,” pormal kaayo ang nawong ni Julio samtang namulong. “Let’s get inside.” -- Sumpayan pa