Selosang girlfriend

Gula 6

Wala makapugong si Janice pagsinggit tungod sa grabeng kagilok dihang giduwa-duwaan ni Cesar pinaagi sa iyang dila ang ganghaan sa langub.

Nabatyagan ni Cesar nga naghiyak-hiyak ang tiyan sa dalaga samtang padayon niya kini nga gipabatyag og kagilok pinaagi sa iyang dila.

“Sarrr, Sarrr,” wala makapugong si Janice sa pagsangpit sa ngalan sa ulitawo nga daw wala lang makadungog sa iyang pagsangpit. Inay motubag, gipaspasan hinoon ni Cesar ang iyang gihimo hangtud nga gibira na ni Janice ang iyang buhok.

“Dili na g’yud nako maantus pa Sarrr, sigi na,” daw nagkurog ang tingog sa dalaga. Wala nay laing nahimo si Cesar. Nasabut usab niya nga husto na nga panahon nga ipasulod niya kang Junior ang langub.

Tuod man, sa laing higayon giangkon ni Cesar si Janice. Lalim kaayo ang gibati ni Cesar nga si Junior nakasulod na sa langub. Milahutay pa siya og pipila ka gutlo nga nagsulod-gawas sa langub si Junior.

Sigurado siya nga natagbaw si Janice sa ilang kumbati. “Sige na pag-ilis na Sar kay basin mokalit lang pag-abut sila si Papa ug Mama,” ni Janice pa. Mitingog ang cellphone ni Janice. “Pglung-ag na lng Jan ky paingn na mi dha sa ato,” gikan sa Mama ni Janice ang text message.

Wala magdugay si Cesar sa balay kay dili gusto si Janice nga maabtan siya sa iyang mga ginikanan nga nagpasaka og tawo sa balay nga siya ra. Taud-taud, samtang naghigda si Janice sa sala ug gihanduraw ang nahitabo kanila ni Cesar, miabut ang iyang mga ginikanan. Nangaon sila kay nagpalit nang daan og sud-an ang iyang mga ginikanan.

Nianang pagka hapon, gipangutana si Janice sa iyang mga ginikanan kun gusto ba kini nga mouban nga manan-aw og sine.

Gilaay si Janice nga mag-inusara lang sa balay mao nga nakahukom siya nga mouban na lang sa iyang mga ginikanan.

Samtang milukat og tiket ang iyang amahan sa tiketera, si Janice nagkalingaw pagtan-aw sa mga hulagway sa mga iksena sa salida. Apan kalit lang napasiga ang iyang mga mata kay nakita niya si Cesar nga may kaubang babaye!

Nagpaingon kini sa ilang nahimutangan. Midali pagpasalipod si Janice sa iyang duha ka igsoon. Motan-aw sab diay sa sine sila si Cesar ug ang babaye. Wala gayud makit-i ni Cesar si Janice. Hilom nga naniid si Janice ug nakita niya nga misulod usab sa sinehan sila si Cesar ug ang babaye. (Sumpayan)