Oy, mare Nitang hapit una diri sa amoa kay magtsika-tsika ta sa makadiyot timbaya pa ni Luding ngadto sa iyang kumare nga nahiagi sa ilang balay usa ka hapon niana.
Alas-tres ang takna sa kahaponon ug si Luding rang usa ang nahibilin sa ilang balay kay adunay gitrabaho ang iyang bana nga si Pepang sa ilang uma.
Walay anak silang managtiayon kay namatay kini sa sakit samtang gamay pa. “Aw, mohapit jud ko sa inyo mare Luding kay taud-taod na tang wala na magka-estoryahanay da,” tubag pa sa iyang kumare ug dayong saka sa hagdan.
“Lingkod mare, maayo nang magka-estoryahanay ta’g maayo,” agda pa ni Luding sa iyang kumare Nitang.
Kini si Luding hapit na mosingkuwenta anyos ang edad apan abtik pa gihapon ang iyang sex urge ug wala pa mohupas.
Samtang si Nitang kuwarenta kapin ang pangidaron. “Ang nindot rong topic nga atong panagsultihan mare Nitang mahitungod sa sexual intercourse ba. Pulos gud ta minyo,” pulong pa ni Luding ngadto sa iyang kumare.
“Aw, oo sige biyaan nato sa makadiyot ang suliran sa salapi ug ang estoryahan nato mao ang mahitungod sa sex,” temang pa ni Nitang.
“Mads Nits kumosta na man ron ang kumbatihay ninyo sa kama ni Pre Dolpo ok pa ba gihapon,? pangutana ni Luding.
“Sus, si Pare Dolpo nimo piloy-piloy na ang iyang junior dili na sama kaniadto nga tuskig ug gahi pa sa puthaw. Wala nay power ang iyaha kay hapit na gud siya magsayenta anyos. Maguwang man kaayo na siya og dako-dako kanako!” pasabot pa ni Nitang nga dala ang iyang tingog sa pagmahay og pangagho.
“Unya, humosta man sab diay ang kombate ninyo ni Pare Pepeng tagbaw ug lamian ka pa gihapon sa iyang mga romansa?” sumbalik pangutana ni Nitang sa iyang kumare.
“Sus, mora’g toro kun modaro nako. Manghod man gud kaayo nako siya og pangidaron. Bisan og nahuman nako’g ‘climax’, sige gihapon na siya. Mora’g walay pagkakapoy. Usahay motuyo lang gyud na siya og pauli maudto kay manghingudto man sab ang iyang junior,” patin-aw pa ni Luding.
Aw, sa bagay malipay ug malamian na man lang sab ta kay wala man kita’y problema bang mga babaye kay maghulat ug magpatara man lang ta kun kapoy na ang atong lawas,” dugang pa ni Luding. Maayo pa mare Nits pakan-a na si Pare Dolpo og bakasi pagkahuman paimna’g bino siyaro’g dili gihapon mangisog ug motuskig ang iyang junior?” tambag nga dala og pasiaw ang mga pulong ni Luding ngadto sa iyang amiga nga kumare.
Nangatawa silang duha ug nanamilit si Nitang ngadto sa iyang kumare Luding kay may kuri-kurion pa siya sa ilang kaugalingon. (Kataposan)