Pinaskohan

Mipaduol sila si Rudy ug Jenny sa mga tawo nga nag-atubang sa video karaoke diin ang usa kanila maoy nagkanta. Dihang duol na sila, nasuta ni Rudy nga ang higala niya nga si SPO3 Dicdican maoy nagkanta.

Mitimbaya kini kanila ni Jenny pinaagi sa pagkaway sa iyang kamot dihang nakakita nga nagpadulong sila sa grupo. “Maayo kay mibalik mo Rud... kanta na Rud,” ni SPO3 Dicdican pa nga may gihunghong sa higala.

“Bilyako ka g’yud sa babaye Rud. Nahibalo ko diin kamo gikan kay tulo ka oras mo nga nawala dinhi,” nagpahiyom si SPO3 Dicdican nga mihunghong niini kang Rudy. Igo lang mipahiyom si Rudy.

Mikanta si Rudy ug Jenny. Diha pa masayod si Rudy nga maantigo usab diay mokanta ang dalaga ug maoy rason nga milungtad og dugay ang ilang pagkantahay. Lima na lang sila ang nahabilin.

Alas dos na sa kaadlawon. Ingon sa nakainom na ang duha ka polis nga kauban ni SPO3 Dicdican. Nananghid si Jenny nga moadto sa CR. Nakahukom si Rudy nga ubanan ang dalaga kay ngitngit didto dapit sa luyo sa kampo.

Naghuwat ra si Rudy sa gawas sa CR. Dihang migawas na si Jenny sa CR, gisugat kini ni Rudy ug giawhag nga magsultihanay usa sila. Nagsandig ra sila niadtong awto nga giparada.

Nadungog nila nga padayon nagkanta si SPO3 Dicdican ug ang duha ka laing polis. “Adto ta sa unahan Jen, maayo didto kay ngitngit,” giagda ni Rudy si Jenny. Wala nila kalikayi nga gitagbaw na usab nila ang ilang kaugalingon sa paghagkanay.

Sa unahan, nakita nila si SPO3 Dicdican nga misulod sa CR. “Dali Jen tago og gamay kay makit-an ta,” gibunlot ni Rudy ang dalaga.

Gipadayon nila ang pagromansa. Daw mipilit ang lawas ni Jenny sa lawas ni Rudy nga hugot kaayo niya nga gigakus.

Giliraw ni Rudy ang iyang mga mata sa palibut. Gipanghiram ni Rudy ang kalawasan ni Jenny. “Ayaw’g saba Jen,” giingnan ni Rudy si Jenny kay miaksyon na og agulo ang dalaga nga gigilokan sa iyang pagpanghiram.

Giaksyonan og hukas ni Rudy ang karsones sa dalaga. Wala motukol si Jenny sa iyang gihimo. Ngitngit g’yud kaayo sa ilang nahimutangan daplin sa koral nga dunay mga gi-impound nga sakyanan.

Nahukas g’yud ni Rudy ang karsones sa dalaga. Abtik usab niya nga gihukas ang iyang gisul-ob nga pantalon. (Sumpayan)