Gula 5
“Kaswerte nimo Rud uy, si Caloy maoy akong giadto sa kampo pero ikaw man maoy gikadeyt nako,” matud ni Jenny dihang hinay-hinay na nga milurang ang pagbukal sa ilang dugo tungod sa grabeng kumbati.
“Nagmahay ka diay Jen nga miuban ka nako dinhi sa motel?” nakapangutana si Rudy kang Jenny apan ang iyang kamot nagsige og hapyod-hapyod sa labong kaayong mga sagbot nga mitubo sa nagbugdo nga butang sa punoan sa paa sa dalaga.
Mipahiyom si Jenny nga mihapyod-hapyod sa nawong ni Rudy. “Dili Rud uy, wala ko magmahay kay nalipay man sab ko. Bilib kaayo ko nimo nga modala’g pagilok kay makalimot ta’s kalibotan,” matud ni Jenny nga nagkatawa.
Giganahan si Rudy nga gidayeg siya ni Jenny sa kamaayong modala og pagpagilok. Giromansa na usab niya ang dalaga. Gipakaligo na usab niya sa daghang mga hawok ug hangtud nga sa pagkilab sa mga gutlo, didto na usab si Junior ilawom sa langub.
Nabatyagan ni Rudy nga mas lalim ang ikaduha nila nga kumbati. Iyang nabatyag nga daw gikumot-kumot si Junior samtang padayon kining nagsulod-gawas sa langub. Sa iyang huna-huna gituyo kadto ni Jenny aron pagpabatyag kaniya’g kalalim.
“Jenny, Jennnnn,” gigakus paghugot ni Rudy si Jenny, gisapwang niya sa tuong kamot ang sampot sa dalaga ug maoy mas nakahatag kaniya og mas dugang kalalim. Taud-taud, si Jenny na usab ang misangpit sa ngalan ni Rudy samtang naghangos.
“Rudddd, Rudyyy,” daw nangurog ang kalawasan ni Jenny dihang mibugwak na si Junior didto sa ilawom sa langub.
Sa ikaduhang higayon, nakatagpilaw silang duha human sa kumbati. Nakamata sila dihang mitingog ang intercom sa kwarto. Gipunit ni Rudy ug nadungog niya ang tingog sa pikas linya.
“Three hours na Sir, mo-extend mo?” Gikan diay sa counter sa motel nga nagpahibawo nga napupos na ang ilang tulo ka oras nga short time.
Nagkasabut sila si Rudy ug Jenny nga mo-check out na. “Tana Jen, unya mosuway ta’g balik sa kampo kay basin tua pa sila ang atong mga amigo kay alas 11 pa man sa gabii.”
Misirit lang ang motor nga gisakyan nila ni Rudy ug Jenny subay sa General Maxilom Avenue Extention. Mingaw na sa eskena Caretta mao nga mideritso na lang si Rudy bisan og stop ang signal. Misulod sila’g kampo sa Gorordo ug nadungog nila nga may nagkanta pa sa videoke. (Sumpayan)