Naghilak nga Bituon

“Wa ko mangandoy nga makigrelasyon sa usa ka prominenteng tawo. Gusto ko ang usa ka ordinaryong lalaki sama ni Ethan, kanang low profile.”

“Pero sa imong estado karon, igo na lang sa paghangad kanimo ang mga ordinaryong lalaki. Unsaon man nimo pagpaduol sa mga tawong low profile nga nahitalay ka na man sa linya sa mga celebrated personalities?”

“Ang tinuod nga hinungdan sa akong pag-artista mao si Ethan. Gusto kong makuha ang iyang pagtagad. Gusto kong ma-impress siya kanako.”

“Jackie...?” “This could be insanity, Gilda. Apan igo lang kong nagsunod sa dikta sa akong kasingkasing.”

“Kasuwerte ni Ethan nga gihigugma mo siya bisan managlahi ang inyong kahimtang ug klasipikasyon isip indibiduwal.”

“Akoy walay suwerte, Day, tungod kay dili man siya conscious sa akong gibati alang niya.”

“Dili kaha makaapekto sa imong showbiz career kun mahibaw-an sa publiko nga nahigugma ka sa usa ka lalaki nga dili ka-level nimo?”

“I don’t care kun unsay ikasulti sa publiko kanako. Bahala na’g tawgon ko nila’g cheap. Kaugalingon ko kining kinabuhi. Ug andam kong talikdan ang akong career kun gikinahanglan man. Sa tinuod, wala ko mangandoy nga molungtad og dugay sa showbiz. Gusto ko lang makuha ang pagtagad ni Ethan pinaagi sa akong popularidad.” -- Sumpayan pa