Nagduka bisan dili katulgon

Ngano man ni Nay Imak nga nagduka man ako nga dili man unta ako katulgon? nakapangutana si Oprit sa iyang inahan ning kasayo pa gani sa kabuntagon. Nagsige na gud ko og pagpanghuy-ab. Imbis tubagon ni Uray Imak ang iyang anak nga dalagang guwang nga dili pa lang dugay gikasal ni Pikto, igo na lamang kini gipahiyoman.

"Resulta na kana anak ... sa sobrang kahago ninyong duha ni Pikto, human sa inyong kasal!" prangka nga gidaygan ni Uray Imak ang iyang anak.

Nahinundom na karon si Oprit, sa miaging adlaw human sa ilang kasal ni Pikto nga moundang lang silang duha og binuakay sa pakwan sa lantay nga ilang hihigdaan kun mangihi diin magkalisod magbuntagay.

"Ayaw kahibulong mahal kong Oprit ... nga maahat og kalaslas ang ngilit sa imong bugan!" nagkanguhal ang tingog ni Pikto samtang way hunong nga gilubok sa dakong alho ang iyang lusong nga maoy hinungdan nga dili na hinuon makapanawat og sayo si Pikto sa iyang sanggotan ning ilang dapit sa balangay sa Libo.

Dili man god ikalimod ... nga sa diha pa sa kabatan-on nga dalaga si Oprit, sobra gayod siya kahimilian og lalaki nga buot mangindahay sa iyang gugma. Nagsalig lang lagi nga diha pa ang kalamurokon sa iyang aping nga gikaluhaan og kandiis.

Magpanilap god sa ngabil   ang mga lalakin-an kanhi nga makakita sa iyang kahubag og lawas? Apan karon nga ania na siya sa kagulangon nga pagkadalaga nga naputos na gani sa kunot ang iyang nawong ang kanhi niyang diehard nga maghahalad iya na lang gayod nga gisugot.

"Abi nimo Oprit ... ikaw ang bugtong hinungdan nganong nagpabilin ako nga ulitawong guwang!" ni Pikto pa nga nagkayuring ang sinultihan nga luhag kaayo nga mikupay sa nag-ugdo nga bilahan ni Oprit sa gabii human sa ilang kasal.

Tungang gabii kadto diin way hunong ang pagbunok sa ulan gikan sa bagyong Basyang diin mao na lamang ang namat-an ni Oprit nga gidigamo na usab siya ni Pikto nga way tihiktihik.

"Sudyai ako Oprit ... dili ba dili kana dukaon?" ni Pikto pa nga nagkanguhal ang sinultihan.

"Sure ka Pikto ... nga dili na ako magduka bisan dili katulgon?" daling pangutana ni Oprit nga niadtong higayona way hunong ang inagulo sa kasakit sa kalami. (Kataposan)