Apan human kang Mr. Waldon, si Xenia wala na makabalibad sa uban pang mga kustomer sa club nga gustong makig-table kaniya ug modala kaniya sa pribadong lawak. Mora’g nawad-an siya’g respeto sa iyang kaugalingon human nahulog sa mga kamot ni Mr. Waldon ang iyang pagka babaye. Dili na siya mobalibad kun may lalaking gustong mogamit kaniya alang sa hamubong kalipay basta mobayad lang sa ibungat niyang kantidad.
Nahimo niyang suki sulod sa pipila ka bulan sila si Borque, Jhotam, Marquess, Borondos, Claude, Baldomer, Oswald, Joevan, Graham, Randall, Deanmark, Menno, Napoleon, Regner, Boris, Adin, Ronjo, Neptali, Merpo, Almar, Linden, Milton, Eldo, Walter, Rudyard, Redick, Amos, Ransom, Lennox, Iñaki, Vaughn ug Dakota.
Milunang na gyud siya sa hingit sa lapok! Nahinayak ang iyang buot sa pagbulingbuling sa kadungganan sa iyang pagka babaye.
Hangtod nga gikahimamat ni Xenia sulod sa club si Norman, usa ka polis nga bulag sa asawa. Nangulitawo si Norman kaniya. Gaan kaayo og buot si Xenia ngadto ni Norman.
Alang kang Xenia, dili lisod higugmaon si Norman. -- Sumpayan pa