Kamatayon sa Panumpa
Gula 50
“H-hayop ka,” giubayan sa mga luha ang paglitok ni Xenia sa maong mga pulong samtang naningkamot nga makabangon. “Salbahis! Magbayad ka’g mahal sa imong pagpanamastamas sa akong pagka babaye.”
“Ayaw kabalaka,” ni Mr. Waldon pa. “Mobayad ko bisan pila pay imong presyo.”
Dayon miihap si Mr. Waldon og kuwarta sa iyang atubangan. Pagkahuman, giitsa ang bayente ka tag P1,000 dapit sa iyang bilahan.
“Mao kanay bugti sa imong kalami,” nagkanayon si Mr. Waldon.
Pagkasunod gabii, wala motrabaho si Xenia sa entertainment club nga iyang gialagaran. Mi-text siya sa manager sa UCV’s. Gipatuo niya ang manager nga lain ang paminaw niya sa iyang lawas. Apan ang tinuod, wala siya’y ganang motrabaho. Nagtuo siyang mobalik si Mr. Waldon sa club. Dili na siya gustong makakita ni Mr. Waldon human sa gibuhat niining pagpanamastamas sa iyang pagka babaye.
Sa misunod nga gabii, mitrabaho na si Xenia sa club. Nasayran niyang mibalik gayod diay si Mr. Waldon sa club sa nakalabay nga gabii ug nangita kini kaniya. Maayo ra gyud nga wala siya motrabaho niadtong gabhiona. -- Sumpayan pa
- Latest
- Trending
