Human sa foreplay, giangkon ni Gordon sa ikaduhang higayon ang iyang pagka-babaye. Hangol kaayo si Gordon nga mitupos sa iyang katam-is. Gititi gayod ni Gordon sa pagpahungaw ang tanan niining biga ngadto kang Xenia. Nasangga gayod ni Xenia ang tanan niining kaulag.
Human sa ilang pagtagay sa lawasnong kalipay, si Xenia miunag gawas sa motel nga gitsek-inan nila ni Gordon. Gipalit niya ang tanang mga tambal nga giresita sa doktor alang sa iyang inahan.
Pagbalik niya sa tambalanan, gisugat dayon siya ni Florence. May kabalaka nga milabhag sa nawong sa iyang higala.
“Maayo kay nia ka na, Xen,” nagkanayon si Florence nga ingon sa nabalisa pag-ayo nga nakig-atubang kang Xenia.
“Dala ko na ang mga tambal nga gikinahanglan ni Nanay,” gibalitaan ni Xenia si Florence sa resulta sa iyang lakaw. “Napalit gyud nako ang tanang giresita sa doktor.”
Namatikdan ni Xenia nga kalit milamugdong ang dagway ni Florence. Mibati og kahibulong si Xenia sa reaksiyon ni Florence sa iyang gisulti. Maong nangusisa siya. Ug nasayran niya ang makapakugang nga kamatuoran.
”Patay na si Nang Lourdes, Xen,” butyag ni Florence.
“U-unsa?” Nakugang si Xenia.
“Mao kana. Nabugtoan siya sa ginhawa kaganinang alas singko sa hapon. Wa na gyud siya matabang sa mga doktor.” -- Sumpayan pa