Kamatayon sa Panumpa - Gula 3

“Nagduda ka nga may laing lalaki nga nakahilabot sa akong pagka-babaye?” Gikan ni Xenia.

“Dili kay pagduda lang, Xenia,” ni Kendall pa. “Nakaseguro kong dili gyud akoy nakauna nimo.”

“Ug nganong nakasulti ka man og ingon niana?”

“Tungod kay dili ka na virgin. Wala ka masakiti sa dihang giangkon ko ang imong pagka-babaye sa unang higayon. Labaw sa tanan, wala ka mag-bleed.”

Wala makatingog si Xenia. Husto si Kendall. Wala tuod siya masakiti kaganina sa dihang giangkon na sa hingpit ni Kendall ang iyang pagka-babaye. Wala sab siya mag-bleed nga maoy sagad mahitabo kun ma-devirginized ang usa ka babayeng putli ug dalisay.

Apan virgin siya. Nakaseguro si Xenia nga virgin pa siya sa dihang gikutlo ni Kendall ang iyang pagka-babaye. Si Kendall ang unang lalaki sa iyang kinabuhi. Wala pay laing lalaki nga nakahilabot sa iyang pagka-babaye. Giampingan niya ang iyang kaputli.

Naglibog karon si Xenia. Ngano man tuod nga wala man siya masakiti ug mag-bleed sa dihang giangkon ni Kendall ang iyang pagka-babaye nga unta virgin pa man siya? Unsaon niya pagpasabot si Kendall sa maong hitabo? Kini ang lintunganay sa iyang kalibog. -- Sumpayan pa