Hinog sa punoan

Gula 90

“Chariz, ayaw ko’g biyai...” Nagkanguhal ang sinultihan ni Patrick tungod sa kahubog. “M-maluoy ka...”

Naglagot na gayod pag-ayo si Urielle. Milugnot siya aron makalingkawas sa paggakos ni Patrick kaniya. Apan misamot na hinuon ang kahugot sa paggakos niini kaniya. Unya giukoban ni Patrick ang iyang mga ngabil.

Mikisikisi si Urielle. Nasayod siya nga wala sa hunahuna ni Patrick ang gibuhat niini kaniya tungod kay hubog kini. Gusto siyang makalingkawas gikan kang Patrick. Apan hugot gayod kaayo ang paggakos niini kaniya. Giukoban usab pag-ayo sa lalaki ang iyang mga ngabil ug ang mga kamot niini nagsugod na pagkalihokan nga mikiat sa pagpanghiram sa sensitibong mga bahin sa iyang lawas.

Hangtod nga milunga ang pagpakigbisog ni Urielle sa dihang mikuyamang na sa tibuok niyang lawas ang talagsaon nga kalalim. Mao na lamay iyang namatngonan nga nakigtigi na siya sa gihimo sa lalaki kaniya. Ingon sa dili na siya makalikay sa tental sa kahigayonan.

May nahitabo gayod tali kanilang duha. Nabuong ni Patrick ang kaputli ni Urielle.

Pagkabuntag, wala sila’y tingogay samtang nangaon. May mga higayon nga mopasiklap si Urielle ngadto kang Patrick. Namatikdan usab niya nga mopasiklap usab si Patrick kaniya. Kanang magkatagbo ang ilang mga tinan-awan, hapit sila magkadungan paglingiw. -- Sumpayan pa