Colawin, Argao, Cebu
"Dili pa karon ang tukmang panahon sa pagdawat sa imong gugma ngari kanako Melyo," ni Aring pa. "Kun dili karon kanus-a pa man, unya na ba kun maabtan na kita sa pagpanggungis?" ni Melyo nga pugsanon sa pagdughit sa pagbati ngadto sa dalaga.
Hingkod na sa panuigon ang duha apan parihong dugay nakakita og trato tungod si Aring hindikan sa lalaki. Ug si Melyo usab nahatag ang iyang pagtagad sa tibuok adlaw ngadto sa iyang umahan nga kabilin sa mipanaw na niyang ginikanan.
Nagsugod kini si Melyo sa pagpangulitawo sa dalaga dihang iya kining nakit-an nga naligo sa atabay nga duol ra usab sa tunaan sa iyang kalabaw.
"Unya na lagi, sunod adlaw," matud pa sa dalaga.
"Sunod adlaw ug karon pariho ra, sugton mo ako sunod adlaw ug karon mao rang sugota." Sa ulitawo pa usab nga nagpanikad.
"Abi nimo Mel, buot ko lang sutaon kung matuod ba gayod ang imong gihalad nga pagbati ngari kanako," pasabot ni Aring kang Melyo. "Sa laktod nga pagka estorya buot kong sukdon ang imong pagkamatinud-anon," dugang pasabot sa dalaga.
Wala makapaabot ang ulitawo sa sunod adlaw nga gisugyot sa dalaga. Gihagkan niya kini sa ngabil sa walay pagpananghid. Unya nakapiyong usab ang dalaga sa gibuhat ni Melyo ug wala na kini makasupak pa tungod kay gianod usab si Aring sa nagbaguros nga pagbati nga gipakita sa ulitawo. Ug mao na lamang ang ilang mabatyagan nga pariho silang wala nay sapot sa kalawasan.
"Mao kini ang matuod nga pagsukod sa gugma ringg!...." hagawhaw sa baba gikan ni Melyo. "Asa man ani?' dihay pagka ignorante nga pangutana ni Aring.
"Kining pagsukod ko sa gilawmon sa imoha ug pagsukod mo sa gitas-on sa akong gugma," ni Melyo samtang nagpadayon pag-ukay sa dugos sa kalipay.
Unya sa nahuman na sila sa lawasnong kalipay, nahibulong si Melyo kung nganong nagbakho si Aring.
"Nganong nagbakho ka man? Pasayloa ako kung nasakitan ka sa akong gihimo, ingon ana gayod siguro kana ang bation sa unang higayon," sa ulitawo nga nakisayod.
"Kung kahibalo pa lang unta ko nga ingon ani diay kalami sa una ra unta to, hu...hu...hu..."
"Butangi...." matud pa sa ulitawong si Melyo. (Kataposan)