Tsiks killer

Gula 23

Wala danti’g dugay miabut si Mar sa apartment nga gipuy-an ni Glo. Gipadaplin ni Mar ang iyang motorsiklo. Gipasalipdan niya kini sa ubang sakyanan nga gi-parking aron dili makit-an.

Dayon giteksan ni Mar si Glo. Wa dayon siya makadawat og reply. Nakasabut si Mar kay pagtan-aw niya sa iyang relo, alas 11:30 na sa gabii ug tingali natulog na si Glo.

Gisuwayan niya ang pagtawag niini pinaagi sa cellphone. Tuod man, gitubag siya ug nasabut ni Mar nga nakatulog na si Glo. “Dia ko sa gawas sa imong apartment, mosulod ko diha,” giingnan niya si Glo.

Wala mabalaka si Mar kay nasayud siya nga ang nagpuyo sa apartment mao ra si Glo ug ang iyang ig-agaw. Ang usa ka ig-agaw ni Glo nga Japayuki maoy nag-abang sa apartment ug himoon ra kini nila nga puy-anan kun moari sa Sugbo ang uyab niini nga Hapon.

Taud-taud, nakita ni Mar nga miabli ang pultahan sa apartment apan wala mosiga ang suga. Migawas si Glo nga nagpanglantaw ug siguro siya nga nangita kini kaniya.

Migawas si Mar sa iyang gipasalipdan. Miduol siya kang Glo ug misulod dayon sa pultahan sa apartment. “Nganong nia ka man niining orasa sa kagabhion?”

Wala na motubag si Mar kang Glo. Iya dayon kining gihagkan ug nanglingkod dayon sila sa sofa. Ngitngit ang sala ug ang naghatag og dan-ag mao ra ang suga sa gawas sa poste nga milapos sa bentana.

“Gimingaw ko nimo Glo. Hikapa, isog kaayo si Junior nga nag-awhag nako nga arion ka,” sagol komedya ni Mar dihang gigunitan niya ang kamot ni Glo ug gipaud sa iyang pondeyohan.

Giagni siya ni Glo nga manulod sa iyang kwarto. “Paghinay kay basin og mamat-an kita ni Analie, ang akong ig-agaw nga anaa matulog sa pikas kwarto,” hagawhaw ni Glo kaniya.

Misunod si Mar ni Glo nga misaka sa hagdan. Binantayan ang ilang mga lakang nga dili makahimo og kasikas.

“Asa ang kwarto sa imong ig-agaw?” nangutana si Mar. Apan gitug-anan siya ni Glo nga tua ra sa pikas kay ang sunod nga kwarto iya man sa ig-agaw niini nga Japayuki.

Nahimuot si Mar kay dili kaayo siya angay’ng magmatngon kay nabuwag man diay ang kwarto sa ig-agaw ni Glo. Gisugdan dayon niya ang pagromansa ni Glo. Nagsul-ob lang og short pants ang dalaga ug nipis ang senina niini.

Gipakaligo dayon ni Mar og mga hawok si Glo. Misamot pagtuskig ang iyang armas dihang misugod na siya pagromansa sa dalaga. Nasabtan ni Mar nga gibatyag lang ni Glo ang kagilok sa iyang romansa. (Sumpayan)