Gula 20
Misakay si Mar sa motorsiklo ug iya dayong gipislit ang starter switch. “Sakay na Claire,” nagngisi si Mar nga miagda sa dalaga nga moangkas na sa motorsiklo.
“Naunsa ka ba Claire nga daw wala ka man sa maayong mood sukad pa kaganina?” gisukna ni Mar ang hinigugma. “Da… naglagot ko nimo Mar, nasabtan nako nga may pagtan-aw ka nila ni Clarisse ug sa uban pa nimong tigpaminaw,” may dala nga kahiubos ang tingog ni Claire.
“Ay, kana ra diay. Sige tana aron matagbaw ka sa imong gibati,” gipadagan dayon ni Mar ang motor ug gisubay na nila ang karsada paingon sa north reclamation area, ang nahimutangan sa Kingsland motel.
Tungod sa pagka tsiks boy ni Mar nahimo na niyang suki kining maong motel. Gani gihatagan na siya og discount card nga katunga na lang ang iyang bayran kun mo-tsik-in siya.
“Asa man ta,” may sagol kabug-at pa gihapon ang tingog ni Claire nga nangutana kang Mar. Wala tubaga ni Mar si Claire. Sa huna-huna ni Mar. “Bantay ka man bitaw karon.”
Diritso nga gipasulod ni Mar ang motor nga ilang gisakyan sa entrance sa Kingsland motel. Gikusnit ni Claire ang iyang tiyan. “Unsa gud ni, motel man ning atong gisudlan.”
Gisulod ni Mar ang motor sa usa ka bakante nga grahe. Abtik usab kaayo ang roomboy nga misirado sa pultahan sa grahe. “Nganong gidala man ko nimo dinhi?” ni Claire pa nga nagpatuso-tuso.
“Gidala tika dinhi Claire aron mahanaw ang imong kahiubos nako. Dali na, manulod na ta sa kwarto,” giagbayan ni Mar ang dalaga. Miliraw ang mga mata ni Claire nga mitan-aw sa palibut sa kwarto. Andar nang daan ang air-con sa kwarto. “Gusto kang motan-aw og TV?” gipangutana ni Mar si Claire, dayong kuot niya sa bulsa.
Gikuha niya ang usa ka tabletas nga para maoy mohatag kaniya og resistensya sa kumbati sa kama. Iya kining giinom nga walay kalibutan si Claire unsay iyang giinom.
Gi-switch-on ni Claire ang TV set apan napasiga ang iyang mga mata kay maoy nasugat sa iyang panan-aw ang babaye’g lalaki nga walay mga sapot ug nagromansahay.
“Hala, kabastos!,” napasinggit si Claire. Ayaw’g bastos-bastos diha Claire kay ingon ana g’yud kitang mga tawo. Gisugdan dayon ni Mar ang pagromansa sa dalaga.
Iya kining gihagkan nga pinaukob sa ngabil. Sanglit nagka romansa na sila kaniadtong sulod sa sinehan sa downtown area, wala na mabag-ohi si Claire sa pakighinagkanay sa announcer sa radyo.
Gipanghiram dayon ni Mar ang kalawasan ni Claire. Gisulod niya ang tuo niyang kamot sa T-shirt nga gisul-ob sa dalaga ug gihapohap ang tiyan niini. Dayon misaka ang iyang mga kamot ngadto sa dughan. (Sumpayan)