Ang Santa Claus

Si Marisa usa pa ka bata, nga may upat ka tuig ang panuigon. Anak siya nila ni Pacita ug Romeo. Apan tungod sa negosyo niini, nga usa ka pusher sa shabu si Romeo napriso. Tulo pa ka tuig si Maresa niadto panahona.

Ning tuiga, 2009 pagul-on na si Romeo sa bilanggoan. Agig pagpasaylo niya sa nahimo niyang kasal-anan.

"Ma, kanus-a man diay mopauli dinhi sa ato si papa Romeo?" gipangutana ni Marisa si mama Pacita. Samtang nagdekorasyon kini sa ilang krismastre nagdula usab si Marisa sa mopahiyom ug mokatawa niyang monyeka.

"Tubaga gani ko ma?"

"Karong Pasko!" tubag usab ni Pacita nga mipahiyom ug mikatawa," sa gabii sa atong "Notche Buena" kita niya paulia!

"Yahooo!" singgit ni Marisa sa kahinangop.

"May regalo na gayod si papa Romeo kanako sa pasko! Yihee!" ni Marisa pa nga mikugos og misayaw sa gidulaan niyang monyeka. Si Pacita nga nagdekorasyon sa iyang krismatre puwerte usab kaayo nakangisi.

Pasko sa alas dose ang takna sa gabii. Maoy pagpauli ni Romeo. Daghan kaayo siyang dala mga gasa alang sa iyang pamilya.

Gimingaw na gayod siya pag-ayo sa iyang asawa ug anak. Tungod sa tulo ka tuig niya nga pagpahilayo. Gumikan sa iyang pagka "dealer' sa shabu ni Mr. Renante Ching, ang Insek nga usa ka "drug lord" sa 'shabu' nga iyang ginegosyo.

Niining pagpauli ni Romeo sa tungang gabii. Nahikatulog na si Marisa, uban sa iyang monyeka. Apan si Pacita, naghulat gayod kaniya nagsul-ob si Romeo, sa senina ni Santa Claus. Maong si Pacita wala makaila kaniya.

"R-Romeo! I-ikaw ba gayod kini karon ang mipauli dinhi sa Pasko?" ni Pacita pa nga migakos sa gikamingawan niyang bana. Unya, si Marisa, usab nahigmata.

"Oo, Pacita, ako kini si Romeo!"

"Ma, si Santa Claus, mao ba si papa?"

"Oo, Marisa, anak. si papa mo Romeo, maoy Santa Claus nato sa pasko!" ni Pacita pa, nga naghilak sa hilabihan nga kalipay.

Gigakos usab ug gihagkan ni Romeo, si Marisa.

"Sukad karon anak, dili na gayod ako magpahilayo ni mama mo, usa ka kanimo!" sa Santa Claus pa, nga si Romeo." Malipayong pasko!" (Kataposan)