Call girl

Buot unta nga likayan ni Vanessa si Rommel apan uwahi na kay duol na kaayo kini sa iyang nahimutangan.

Nagtagdanay silang duha. Dayon giimbitar ni Rommel si Vanessa ug pagpangaon sa usa ka kan-anan apan gibalibaran niya kini sa iyang pagdapit. Dili buot si Vanessa nga mabanhaw ug mogitib na usab ang iyang gugma ngadto sa lalaki. Hugot na ang iyang baruganan nga palay-an na sa hingpit si Rommel.

“Sige na Vanessa please, mangaon lang ta’g kadiyot kay duna ta’y panagsultihan,” daw nagpakiluoy si Rommel sa dalaga, apan hugot siya nga gibalibaran.

“I’m sorry, excuse me,” giingnan ni Vanessa si Rommel ug dayong biya sa lalaki. Walay laing nahimo si Rommel gawas sa pagsunod na lang og tan-aw sa dalaga. Takulahaw lang nahuna-huna ni Vanessa si Nichols, kadtong Amerkano nga iyang gikadeyt kagabii diin gihatagan siya og P15,000 bugti sa pag-uban niya sa deyt.

Gawas sa daku nga kantidad nga gihatag kaniya ni Nichols, ang usa sa hinungdan nga wala malaksi sa huna-huna ni Vanessa ang Amerkano mao ang iyang dinad-an sa kumbati sa kama.

Sigurado si Vanessa nga mingawon gayud siya kang Nichols. Nahuna-huna niya nga ang kataas tingali sa armas ni Nichols maoy rason nga natagbaw gayud siya sa ilang kumbati sa kama.

Diha sa huna-huna ni Vanessa nga kun magkita sila pag-usab si Nichols ug mahagad kini nga magdeyt sila’g usab, dili na siya modemanda pa og kantidad bugti sa ilang pagpanuroy.

Pagkagabii na, misuroy si Vanessa sa Fuente Osmeña ug nagkalingaw pagtan-aw sa habog kaayong Christmas Tree nga napuno sa mga dayan-dayan nga lainlaing colored lights.

Taud-taud, mitingog ang iyang cellphone. Si Marian maoy mi text ni Vanessa ug nagpahibalo nga mibalik si Nichols sa Sanciangko’s Wildflower ug nangita niya. “Tell him that I’m at Fuente Osmeña rotunda right now near the giant Christmas tree,” iyang gibawsan si Marian.

Wala madugay nakadawat dayon og reply si Vanessa gikan ni Marian. “Moanha mi diha Day, kwarta na usab ni. Kuhaon nako akong komisyon gabii Day.”

Nahinumdom si Vanessa nga wala pa niya mahatagi si Marian sa iyang komisyon kay siya ang nagpaila-ila ni Nichols kaniya. Hilom nga naglumpayat sa kalipay ang kasing-kasing ni Vanessa kay magkita na usab sila ug si Nichols. Taud-taud, diha na sila si Nichols ug Marian.

Gisugat dayon ni Vanessa og gakus ang Amerkano ug gihagkan usab siya sa langyaw. “Can we go to the same place again?” giingnan si Vanessa sa Amerkano. “Sure,” dali niya nga tubag. – Sumpayan pa