Ang kundinada nga pasahero

Usa ka drayber sa dyip de pasahero si Bruno. Gikan sa kaadlawon, mobiyahe siya sa paingon sa kagabhion. Kaugalingon kining dyip nga gidrayban. Nga iyang napalit sa kuwarta, sa iyang pagtrabaho sa 'National Stell Corporation' sa Iligan City.

Sa iyang pagritero isip usa ka drayber sa usa ka trak de karga ga maoy kargahan sa mga kabilya ug mga puthaw nga maoy produkto sa NSL sa iyang niining pagtrabaho.

Gabii na kaayong dako sa iyang paglabay sa usa ka mamingaw kaayo nga sementeryo sa baryo Lapayan, sakop sa lungsod sa Kauswagan, Lanao del Norte.

Gani, wala may mga pasahero nga gipasakay niya sa dyip tungod kay siya mograhe na sanglit alas dose naman ang takna sa gabii.

Nagduka na siya kay katulgon na apan sa paghitungod niya sa Lapayan sementeryo, dihay usa ka pasahero nga babaye ang mipara kaniya.

Gihunongan kini ni Bruno, bisan siya katulgon, puti og panit ang babaye. Guwapa usab siya nga nagpandong sa itom nga bandana. Ulitawo nga gulang si Bruno, ug walay asawa ug hilom siya gibati sa kaibog sa maong babaye.

"Day, adlaw man karon sa mga minatay ngano gabii na ikaw kaayo nanagkot diha sa sementeryo?" ni Bruno pa sa babaye niyang pasahero, nangutana.

"Kagabii man god nga naligsan ko nimo diha sa sementeryo kaniadto. Wala ka moampo sa balaod sa atong gobyerno mao karon ako kanimo hinuon nagmulto!" tubag sa babaye nga kalit lang misiga ang mga mata ug nahimong kalabera!

"Unsaaa? U-usa diay, ikaw ka kundinadaa?" ni Bruno pa, nga mitindog ang mga buhok sa labihan nga kahadlok.

Ug tungod lagi sa iyang kalisang sa kundinada niyang pasahera gipahugong niya ang dyip sa pagdagan ug nabangga hinuon sa lubi! (Katapusan)