Little black book

Gula 98

Midali ko’g pauli sa Sugbo. Ang text sa akong magulang nag-ingon nga dili nila ilubong ang patay’ng lawas ni Nanay Piya kun dili ko mahiabot.

Tuod man, nakaabot pa gyud ko sa paghaya ni Nanay Piya sa usa sa mga kapilya sa lungsod sa Santander. Paglabay sa duha ka adlaw, gihatod na ang akong inahan ngadto sa kataposan niyang pahulayan.

Human napupos ang mga adlaw sa pangadye alang sa kalag ni Nanay Piya, nibalik na ako sa Manila. Pag-abot nako sa kaulohan, diha pa kanako ang kasub-anan tungod sa pagtaliwan sa akong inahan. Pero life must go on bisan wala na si Nanay Piya. Kinahanglan kong manikaysikay!

Mi-report dayon ko sa Uriel Cruz Vallecera Detective And Security Agency. Gipahibalo ko sa kadagkoan sa maong ahensiya nga may kausaban na ang akong trabaho. Dili na akong posting ang bodega sa Pasig. Ibalhin na ako’g puwesto, sa usa ka banko sa Makati.

Misugod dayon ko’g duty sa bag-o nakong posting. Pero kapin sa usa ka bulan ra akong nagguwardiya sa maong banko. Mi-resign ko sa akong trabaho. Nahitabo man gud ang sagunson nga pagpanulis sa Acetylene Gang sa mga banko sa lainlaing mga dapit sa Metro Manila. Patyon ra ba gyud nila ang mga guwardiya. Nahadlok ko nga tingali’g ako’y mataymingan sa mga tulisan sa sunod higayon maong naneguro ko’g resign aron paglikay sa kakuyaw nga posibleng modangat sa akong kinabuhi.

Nagpatabang ko ni Loloy, ang higala kong PUJ driver sa Philcoa, aron makakita’g laing trabaho. Kay may driver’s license man ko, girekomendar ko ni Loloy sa iyang kaila nga nanag-iya’g taxi units. Nadawat ko. Mao to...! Nagdrayib na ako’g taxi.

Sa nagdrayib na ako’g taxi, nakadiskubre ko’g laing exciting sex adventures nga nakalingaw pag-ayo nako. Misamot ang akong kasipat bahin sa mga babaye!-- Sumpayan pa