Internship experience

Gula 5

Dihang nahukas na ni Rex ang T-shirt nga gisul-ob ni Cherry, gisunod niya pagtangtang ang salimbong sa duha ka bungtud sa iyang dughan.

Giukoban dayon sa mga ngabil ni Rex kadtong tumoy sa duha ka bungtod sa dughan ni Cherry. Misamot ang gibati niya nga kalalim ug wala na siya makabantay nga gihukas ni Rex kadtong nipis kaayong panapton nga nagsalimbong sa labing pribadong parte sa iyang lawas.

Bisan og lisud kaayo ang pagkabutang ni Rex apan naningkamot siya nga makatapon sa pikas lingkuranan ug gihap-an niya ang hubo na nga lawas ni Cherry. Mga inagulo ni Cherry ang mabati sulod sa SUV ni Rex dihang gisangkad g’yud sa ulitawo ang kinaladmang bahin sa langub sa dalaga.

Dihang nahuman na ni Rex ang iyang misyon, nasabut niya nga wala na maglihok si Cherry. Naluya kini tungod sa ilang kumbati ingon man sa iyang mga nainom nga red wine.

Walay tingog-tingog si Cherry nga misul-ob sa iyang mga sapot, ingon man usab si Rex. Dayon mihukdong kini sa duha niya ka tuhod. Nasabot ni Rex nga daw naguol ang dalaga sa nahitabo kanila. Si Rex gayud maoy nakauna sa iyang pagka-babaye. “Naguol ka ba sa nahitabo kanato Cher?” gisukna ni Rex ang Mass Com Intern.

“Ayaw kahadlok, kun makahuman ka na sa imong pagtoon magpakasal ta. Andam ko nga makigminyo kanimo kay wala ako’y kabilinggan sa kinabuhi,” pasalig ni Rex sa dalaga.

Gihatud ni Rex si Cherry sa ilang dapit sa barangay Labangon ug gibinlan pa og tam-is nga hawok sa dayon nang pagkanaug sa sakyanan. Mga alas dos na sa kaadlawon.

Gibakakan ni Cherry ang iyang mga ginikanan ug giingnan nga may kalihukan ang City Hall nga gipatambongan kaniya sa estasyon sa radyo diin siya nag-intern. Wala na lang usab manguti-kuti ang iyang mga ginikanan.

Bisan og nakainom si Cherry og daghang red wine, apan wala siya makatulog. Nahuna-huna niya ang nahitabo kanila ni Rex. Iyang gilantaw daan kun unsay mahitabo kun mamunga ang ilang gihimo ug dili mangasawa si Rex.

Pagka ugma, wala siya moadto sa opisina ni Rex. Gikauwaw niya ang nahitabo kanila nga sayon-sayon ra niyang gitugyan ang iyang pagkababaye sa opisyal sa City Hall.

Apan nakadawat siya og text message gikan ni Rex. “Magdungan ta’g lunch sa La Nueva 12:30 p.m. Maghuwat ko didto.” Hilomon kaayo si Cherry nga nagpaabut ni Rex sa lamesa. Hangtud nga dihang nag-atubang na sila pabilin ang iyang pagkahilomon. Apan giam-aman siya ni Rex. “Cheer up Cherry, ayaw ikaguol ang nahitabo nato. Ibutang sa imong huna-huna nga ikaw ang umaabot kong asawa,” matud ni Rex. (Sumpayan pa)