Little black book

Gula 78

Nagpadayon ang akong sex adventures sa akong pagpanarbaho sa Manila. Padayon sab ang affair namo ni Danica. Milungtad gyud og duha ka bulan ang among kinawatkawat nga panagsawo sa lawasnong kalipay sulod sa usa ka mabugnaw’ng lawak. Nahunong lang ang among gibuhat sa dihang hapit na mopauli ang seaman niyang bana sa Pilipinas.

Pero wala ko malutas sa hingpit bahin sa sex. Kay wala madugay, naka-uyab ko. Si Rica, usa ka saleslady sa mall nga akong gialagaran. Guwapa si Rica. Nindot og lawas. Hamis kaayo’g kutis. Kun kalitan siya’g tan-aw, susama siya’g panagway sa artista sa Hollywood nga si Robin Tunney.

Usa lang si Rica sa daghang saleslady sa mall nga akong gialagaran nga nahilakip sa listahan sa akong little black book. Daghan ko’g naibgan nga mga empleyado sa maong mall apan si Rica maoy una nakong gipangulitawhan. Nakamatikod man gud ko nga may pagtan-aw sab si Rica nako.

Tuod man, wala gyud ko masayop sa akong pangagpas nga nakagusto si Rica nako. Dihang ako siyang gidaygan sa akong gugma, wala ko niya paantosa’g dugay. Hapit gani ma-one click. Human ko niya sugta, kanunay na akong nangitag higayon nga akong maangkon ang iyang pagka-babaye.

Dihay kausa nga nagkadungan mi’g day off. Ako siyang gidapit nga mangaon mi sa usa ka fastfood chain. Pagkahuman nanan-aw mi’g sine. Sa didto na mi sa sulod sa sinehan, mikiat dayon ang akong mga kamot. Akong gikalingawan og himas ang boobs ni Rica. Wala siya mopalag sa akong gihimo.

Mao diay nga wala ko niya pakganga sa akong pagpanghinol sa sensitibong mga parte sa iyang lawas kay giganahan man usab siya sa akong gibuhat. Nanginit na sab diay siya’g maayo.

Aron dili makagasto’g dako, ako siyang giagda nga mangadto mi sa akong gipuy-an sa Philcoa. Misugot siya. Nanggawas dayon mi sa sinehan. Nanakay mi’g jeep paingon sa akong gipuy-an. -- Sumpayan pa