Punoan sa Sambag

Gula 3

Gitagbaw g’yud ni Nestor ang kahinam ni Letty atul sa ilang kumbati didto sa karaang balay ni Ingko Abdon.

“Wala ka ba magmahay sa nahitabo kanato karong gabhiona,” gisukna ni Nestor ang iyang hinigugma human sa kutas kaayo nilang pagparayganay.

“Akong kagustohan ang nahitabo Nestor kay gusto ko nga ipakita kanimo nga mahal ko kaayo ikaw. Paabota ko sa akong pagbalik, kinahanglan man gud nga motrabaho kun aron makatabang sa akong mga ginikanan,” matud ni Letty.

Nag-ilis sila sa ilang mga sapot. Human sila nakailis, nahalingi sila sa sulod sa balay. Bukas ang pultahan niini ug milahos ang ilang panan-aw sa bukas nga bentana.

Wala damha ni Nestor nga may nakita siya nga bayhon sa usa ka tawo nga naglingkod sa lantay tupad sa bentana. Mipaspas ang ginhawa ni Nestor ug iyang gihunghongan si Letty sa iyang nakita.

Nanglimbawot ang balhibo sa managhigugmaay nga maoy nakatukmod kanila sa pagdagan. Bisan og batoon ang agianan nga ilang giagian, apan gibaliwala ra kini sa managhigugmaay tungod sa kahadlok.

Nag-abot ang ginhawa nila ni Nestor ug Letty dihang nanghunong sila didto na sa kinaubsan sa bungtod. “Pastilan, tinuod g’yud diay nga dunay kahadlokan sa balay ni Ingko Abdon.”

“Kinsa kaha kadtong maong tawo Nestor? Patay na si Ingko Abdon pero susama g’yud kaniya ang bayhon sa maong tawo,” matud ni Letty. “Ambot, pareho kita nga wala mahibalo.”

Gihatod si Letty ni Nestor didto sa eskena paingon na sa ilang balay. Sa wala pa sila magbuwag, gipatikan ni Nestor og hawok ang mga ngabil ni Letty dungan sa paghatag kaniya og pahimatngon. 

“Pag-ayo-ayo didto sa siyudad ha Letty. Pahibaw-a unya ko Let kun hain ka makatrabaho.”

Pag-abot ni Letty sa ilang balay gisugat siya sa iyang inahan ug gisukna kun diin siya gikan. Wala niya limdi ang inahan nga nagkita sila ni Nestor kay gipahibalo niya nga molarga na siya inigka-kaadlawon.

Wala dayon makatulog si Letty nianang gabhiona. Nahasul siya kay nanghapdos ang iyang bilahan nga gibalik-balikan pagsulod-gawas sa tikig kaayo nga armas ni Nestor kaganina.

Nawili si Letty pagbiya sa ilang dapit kay magkalagyo na man sila si Nestor, apan tungod sa kalisud mapugos siya aron makatabang sa iyang mga ginikanan.

Alas kwatro pa sa kaadlawon nagmata na si Letty kay kinahanglan pa siya nga molakaw paingon sa national highway sa barangay Lapaz aron mag-atang og kasakyan paingon sa siyudad.

Wala niya palandonga nga diha si Nestor sa gawas sa ilang balay kay buot mohatud kaniya sa highway. (Sumpayan pa)