Balay'ng karaan

Gula 4

Samtang nagdanga-danga na si Wenna sa nahimutangan ni Glenn, nahuna-huna sa ulitawo nga hinigugma na niya ang dalaga bisan og siya wala mangulitawo kaniya.

Hapit na mokilum-kilum ug mingaw kaayo sa ilang nahimutangan nga baybayon. Layo sa kabalayan ang gitawag og luyong baybay nga sakop sa barangay Tacup mao nga tagsa ra nga may tawo nga masaag sa maong dapit.

Samtang nagkaduol na si Wenna, gisugat siya ni Glenn ug dayon nagginaksanay silang duha.

Diha-diha giukoban dayon ni Glenn ang mga ngabil sa dalaga. Taud-taud g’yud ang ilang paghinagkanay ug ginaksanay. Dayon giagbayan ni Glenn si Wenna ug nagpaso-paso sila paglakaw subay sa pino nga bas sa baybayon.

“Unsa ba ning atong sitwasyon Glenn nga mora man ta og uyab nga wala ka man unta manguyab nako,” matud ni Wenna samtang ang wala niyang bukton gigakus niya sa hawak sa ulitawo.

“Dili na uso karon ang panguyab-panguyab Wen, ang mahinungdanon nga nagkatagbo ang duha nato ka pagbati didto niadtong karaang balay ni Sabas,” tubag ni Glenn.

Nahaigking si Glenn kay gikusi ni Wenna ang wala niyang kilid. “Ikaw man gud, manghikap ka man og natulog maganahan na lang nuon ta.”

Nakita nila ang usa ka gamay’ng payag-payag nga nahimutang sa daw nasukib nga bahin sa pangpang. Hinay sila nga mipaingon sa maong payag ug nanglingkod.

Bana-bana ni Glenn ang maong payag gihimo sa mga mananagat nga taga bukid aron ilang kapahuwayan kun magpaabut sila sa paghunas. Inanay na nga mihabol ang kangitngit sa palibut.

Giagbayan ni Glenn si Wenna ug gihagkan ang aping niini, dayon gisunod niya ang pag-ukob sa mga ngabil sa dalaga.

Gipahigda ni Glenn si Wenna sa daw lantay nga higdaanan nga hinimo sa mga lipak sa kawayan.

Gipadayon ni Glenn ang pag-ukob sa ngabil ni Wenna, dayon gipabatyag niya ang kainit sa romansa pinaagi sa pagpanghiram sa mga sensitibong parte sa lawas sa dalaga.

Lalim kaayo ang gibati ni Glenn kay mibawos paggakus kaniya ang dalaga. Nagkuto-kuto ang kawayan nga lantay tungod sa nagpungasi nila nga romansa.

Hangtud nga gitagsa-tagsa na ni Glenn paghukas ang gisul-ob nga sapot ni Wenna ug gisunod niya ang pagtangtang sa iyang kaugalingong sapot.

Buhong nila nga gisaw-an ang kalipay taliwala sa kangiob sa kagabhion. Taud-taud, igo g’yud nga nahuman ang ilang kumbati, nakadungog sila og tingog nga nagkaduol sa ilang nahimutangan. (Sumpayan pa)