Nahimong dancer sa bar

Sabado sa gabii, nitukar na usab ang biga sa akong mga ig-agaw. Human mi nakahurot og usa kahong beer, nagkasabot ming manulod og bar (Koala Bar). "Sakto na gyud rong orasa, Bok, live na ron. Manghubo na ron tanan" ni Agaw Tiak nga nagpasamot sa gibati kong kahinam. Ang tinuod, una ko pa kining higayon nga makasulod og bar, pero kining akong mga ig-agaw, sige na ni.

Pag-abot namo sa maong bar, didto mi nanglingkod sa bakanting lamesa nga tungod gyud kaayo sa stage nga maoy sayawanan sa mga dancer. Wa ko kasabot sa gibati kong kainit sa lawas, sa dihang may dancer na nga migawas sa stage. Nag-hiyodhiyod ang tabilihong lawas niini nga bra ug panty ray hapin sa lawas. Nisamot ang pagpanginit sa akong lawas, sa dihang inanay na niyang gihubo ang iyang bra ug panty.

"Live gyud tuod da" sa hilom ko nga mihapyod sa akong junior nga wa ko kapugnging nigahi.

"Pagtagbaw Bok!" ni Agaw Vers Qui nga nakabantay sa pagpamudlat sa duha ko ka mata nga nagsud-ong sa hubong lawas nga nag-hiyodhiyod sa akong duol.

"Sos...! ka-maayong dughiton oy!" matud ko nga nagkapanlad-ok sa laway.

Wa ko ka-agwanta sa akong gibati. Nisulod ko sa C.R. ug didto gipabuhagay ko ang boltahi nga nag-alboruto sa akong kahiladman. Human sa akong gibuhat, kalma kong migawas. Mora la'g way nahitabo. Pero ang tinuod, nanghuyhoy ang duha ko ka tuhod.

Nibalik ko sa among lamesa. May lain na sang dancer nga nisayaw sa stage. Apan wa ko na kini panumbalinga. Nawagtang na ang boltahi sa akong lawas nga gibati ko kaganina human ko kini gipabuhagay.

Medyo nibati ko'g kaluya. Nag-ubo usa ko sa lamesa kay mora ko'g katugon. Apan kalit lang nipaka ang among lamesa. Kalit kong nahi-ulpot sa akong gi-ub-an. Abi ko'g may namaregla namo. Pero paghiyangad ko, ang dancer man nga ni-split, ug ang usa ka tiil didto gi-bundak sa among lamesa.

"Ayaw ko'g tulog-tulogi diha Sir oy..." sa dancer nga unanay'ng nibarog ug giguyod ko niya paingon sa stage.

Ug kay, may pagka-baga-on man sad lagi ta'g nawong, mikuyog ko niya uban sa stage. Ni-alibwag og pamakpak ang tanang mga tawo nga didto niadtong gabhiona. Gi-grind-grindnan ko sa maong dancer. Ug wa sab ko nagpalupig, mibawos usab ko sa pag grind-grind sa bako-on kong lawas.

Sos, misamot ang kasaba sulod sa bar kay sa akong pag grind-grind, gihubo man sa babae ang akong senina ug short. Apilon usab unta'g hubo ang akong brief, apan wa nalang ko misugot.

"Kana Gaw! Ayaw palupig...!"

"Ipahubo na'g apil nang imong brief Gawww ... kay basin himuon kang star dancer dinhi" syagit nilang Agaw Ronald ug Dexgar nga grabing naka-abiba kanako.

"Di lang ko Gawww ... kay grabe nang kuyosa ni junior...! Maayo nang pagkahinanokkk...!" tubag ko sa akong mga ig-agaw nga nalingaw niadtong gabhiona.

Human sa sonata, gipaningot ko nga namunit sa akong mga sapot dayong naog sa stage. Nakapanglingo ko's akong ulo. Wa ko damha nga sa una kong sulod og bar, nahimo kong dancer. (Katapusan)