Balay'ng karaan

Gula 1

Kaadlawon na nga namauli ang magbarkada -- babaye ug lalaki -- nga gikang mitambong og pista sa usa ka bukirang barangay sa lungsod sa Bogo sa amihanang Sugbo.

Gikan sa barangay Tacup sakop sa lungsod sa San Remigio dihang mipaingon sila sa barangay Anonang Norte nga sakop na sa silingang lungsod sa Bogo, kapin sa oras ang ilang paglakaw.

Nagpista man gud ang usa sa mga sityo sa Anonang Norte kaniadtong Mayo 15 kay pista sa ilang patron San Isidro Labrador. Tungod sa pagkahilig og disco niining magbarkada, nagkasabot sila nga manulong og sayaw.

Halos gitilok g’yud sa magbarkada ang oras usa sila mamiya sa diskohan. Gili-li ni John ang iyang relo ug nakita niya nga ala-1:15 na sa kaadlawon.

Gisubay nila ang wala mahuman nga karsada nga paingon sa barangay Lambusan. Bana-bana sa magbarkada kapin sa oras usa sila muabot sa main line. “Kapoya baya ning gikan ta sa disco uy, maayo man lang kun nagpadulong pa ta kay abtik kaayo,” matud ni Glenn.

Tulo ka babaye ang kauban sa magbarkada. Upat sila ka lalaki apil na si John nga giisip nga maoy lider-lider sa grupo.

“Hain may maayo og mamahuway ta diha sa balay nga iya ni Sabas. Wala na may nagpuyo diha kay tua na man sila magpuyo sa baybay sa Lambusan,” sugyot ni Rex.

Misigunda dayon ang ubang sakop sa barkada kay gawas sa kakapoy, gidaug na usab sila sa duka. Dili unta gusto ang mga babaye, apan wala sila’y nahimo. 

Hinay sila nga misaka sa balay. Gipasiga ni Glenn ang iyang cellphone aron makahatag og dan-ag.

“Maayo kay diay banig nga gilukot,” matud ni Glenn nga mibukhad dayon sa banig sa sawog nga kahoy. Lig-on ang balay ni Sabas apan tagsa na lang kini niya nga duawon kay tua na sila magpuyo sa laing balay sa dapit sa baybay.

Naglinya ang tulo ka babaye sa usa ka bahin sa banig ug ang upat ka lalaki didto usab mohigda sa pikas bahin, apan tungod sa kagamay ra sa banig nagdip-igay gihapon sila.

Si Glenn ang nahadip-ig sa mga babaye. Si Wenna nga 18-anyos pa niyang silingan maoy iyang gikatupad paghigda. Dali ra sila nga nakatulog sa kakapoy.

Apan wala tuyoa nga nahigmata si Glenn ug nabantayan niya nga mituskig ang iyang armas. Nabag-id diay kini samtang nagtakilid siya ngadto sa sampot ni Wenna.

Hinay nga misikit paghigda si Glenn nga nag-atubang sa buko-buko ni Wenna. Hinay kini niyang gigakus. Wala maglihok si Wenna. Taud-taud nakablitan ni Glenn ang nagbugdo nga dughan ni Wenna. (Sumpayan pa)