Gula 1
Second year high school pa si Glenn nga naibog kaayo ni Ruth apan gidaug g’yud siya sa kauwaw mao nga wala gayud siya makapadayag sa iyang gugma.
Karon graduating na lang sila sa high school apan wala gihapo’y kaisog si Glenn nga digahan sa iyang gitipigan nga pagbati si Ruth, ang usa sa mga seksi ug utokan sa iyang mga kaklase.
Apan sa bag-ohay pa lang nila nga intramurals, daw mibulig kang Glenn ang kapalaran. Nagkauban sila si Ruth sa Cheer Dance ug sila pa gayud ang kapares kanunay.
Miabot og duha ka semana ang pagbansay-bansay nila matag hapon human sa ilang klase diin molanat og duha ka oras ang ilang praktis. Dili maihap ang higayon nga mahikap ni Glenn ang lawas ni Ruth.
Wala tuyoa ni Glenn nga usa ka hapon niana sa tanto niyang hikap-hikap sa hawak ni Ruth, diin usahay iya kining alsahon, gianod siya sa grabeng kahinam.
Wala g’yud magpasabut si Glenn nga mikalit lang pagtuskig ang iyang armas nga inosente pa kaayo kay wala pa kini kasinatian uban sa usa ka babaye.
Apektado ang paglihok ni Glenn tungod sa pagtuskig sa iyang armas. Wala na siya kapugong sa kalalim kay siya ang gitahasan nga mosung-ay ni Ruth.
Himsog man gud og panglawas si Glenn mao nga yano ra niya nga pas-an pas-anon si Ruth mao nga siya ang gitahasan sa maong katungdanan.
Sa matag higayon nga magsung-ay na si Glenn ni Ruth, mabatyagan g’yud niya ang pagdapat sa bugdo nga butang diha sa iyang tangkugo. Samtang ang mga paa ni Ruth anaa sa iyang aping. Dili siya kapoyan nga balik-balikon nila ang pagpraktis sa maong parte sa Cheer Dance.
“Bug-at ba ko Glenn?” gisukna siya ni Ruth usa ka higayon human sa ilang praktis samtang nagyaka sila sa sagbot nga bermoda sa school ground.
Nagpahiyom si Glenn nga mitubag ni Ruth. “Bug-at sab pero walay bali kay ikaw man. Kun lain pa ang imong nakapares Ruth masuya g’yud ko.”
Nagkatinutokay silang duha dayon daw nagsultihanay ang masi’g nila ka tinan-awan. “Mauwaw baya g’yud unta ko nga mosung-ay nimo Glenn pero unsaon mao may sugo nato,” ni Ruth pa. “Walay problema Ruth. Sa akong giingon malipay gani ko sa higayon nga magsung-ay na nimo ug masuya ko sa akong tingkoy,” nagkatawa nga nangomedya si Glenn.
Mitig-ik si Glenn sa kasakit dihang gikusi ni Ruth ang iyang kilid. Gigunitan ni Glenn ang kamot ni Ruth ug gitutokan niya ang dalagita. (Sumpayan pa)