Gula 19
Sa kadugayan, gi-organize na gyud nako’g maayo ang akong listahan sa mga babaye nga gihimo kong “inspirasyon” sa paglipay nako sa akong kaugalingon pinaagi sa pag-stimulate sa akong genital organ.
Nadugangan man gud matag karon ug unya ang ilang gidaghanon. Busa, gi-alphabetical na gyud nako ang paglista sa ilang mga ngalan. Naghimo na gyud ko’g “little black book” diin gilista nako ang mga ngalan sa mga babaye nga akong naibgan. Gilakip ko’g lista ang ilang address ug telephone number (kun aduna) aron dili ko maglisod pag-identify.
Sa kadaghan na gud nila, aduna nay ubang mga babaye nga nagkapareho ang ngalan, nagkapareho ang apelyido ug uban pang pagkapareho. Adunay managsuon nga nalakip sa akong listahan. May manag-agaw. Gilakip sab nako’g lista ang mga babaye nga akong giplanohang panguyaban ug ang napanguyaban ko na. Basta, ang tanang mga babaye nga giisip kong “tipik” na sa akong kinabuhi ug pagkatawo, akong giapil paglista.
Usa ba ako ka sexual psychopath, sexually insane o flagellant sa akong gibuhat? Dili man sab tingali. Ako lang gyud kining “trip”. Sa higayon nga magpakli-pakli ko sa akong little black book, malingaw man sab kong magbasa-basa sa mga ngalan sa mga babayeng akong gilista.
Alang nako, ang akong paghimo og little black book maoy kabahin sa akong kaugalingong sex adventures. Ug ang akong pagka-ulipon sa masturbation usa ka sex problem nga sama sa homosexuality ug sex complexes. Alang nako, mas maayo na lang ang pag-five fingers kay sa manglugos. Maong nagpadayon gyud ko sa maong buhat!
Dihay lain nga akong gipanguyaban, si Myrna. Gipanguyaban ko kining babayhana kay matud pa sa akong mga klasmet, na-in love kuno nako ang maong babaye. Maong akong gipangulitawhan bisan wala ko makagusto. Tuod man, gisugot dayon ko ni Myrna! -- Sumpayan pa