Little black book

Si Bernadith adto moeskuyla sa Toledo kay nagtrabaho man ang iyang amahan sa Lutopan niadtong higayona. Samtang ako adto sab moeskuyla sa high school sa kinapusoran sa lungsod sa Santander.

“Makauyab ka na gyud didto,” giingnan ko siya.

“Aw, kun duna koy magustohan ug unya mangulitawo siya nako, akong sugton,” nagkanayon si Bernadith.

“Mag-unsa na man lang ko? Ako baya’y unang nanguyab nimo.”

“Pero wa ko man ikaw sugta. So, di ka angay masuko kun dunay mangulitawo nako. Gawas pa, makalimtan ra ko nimo, Jose, kun di na unya ta magkakita ug makakita ka na sab og lain nga mas angayan sa imong gugma.”

“Di kana mahitabo, Bernadith. Ikaw ang una ug kataposan kong gugma.”

Paglabay sa usa ka semana, nahiabot ang mga ginikanan ni Bernadith sa among barangay sa Talisay. Gikan pa sila sa Toledo City. Ang ilang tuyo mao ang pagkuha kang Bernadith gikan sa poder sa iyang apohan ug ikuyog na siya ngadto sa Lutopan, Toledo.

Namalik dayon ang mga ginikanan ni Bernadith ngadto sa Toledo. Kuyog na siya nila sa ilang pagbalik sa Toledo. Nasubo ko sa maong hitabo pero wala koy mahimo. Gimingaw ko ni Bernadith.

Ang kamingaw ko kang Bernadith akong gipahungaw pinaagi sa masturbation. Bisan og wala na siya sa among dapit apan lab-as pa alang kanako ang mga handomanan sa among pag-eskuyla sa elementarya. Sobra gyud tingali ang akong “lust” kang Bernadith kay bisan og dugay-dugay ko na siyang wala makita, ganahan man lang gihapon kong mag-five fingers sa higayon nga mag-imagine ko kaniya.

May mga higayon nga kun dili gyud ko makasaliat og five-fingers, inig-katulog nako pagkagabii mabasa ang akong brief. Duna man guy mogawas gikan sa akong tari nga pilit-pilit nga likido. -- Sumpayan pa