Little black book

Gula 12

Misamot ang kalig-on sa akong pagtuo nga dili abnormalidad ang pagpunay og masturbate sa dihang nakabasa na sab ko sa librong Life & Love nga sinulat ni Clyde M. Narramore.

Sumala sa maong libro, dili abnormal ang buhat sa pag-five fingers. Gitawag lang kini sa author og sex problem. Busa dili diay ko abnormal. Aduna lang koy problema bahin sa sex--nga mao ang masturbation.

Dugang niini, misamot ang kahingpit sa akong pagtuo nga walay daotan nga sangpotanan ang kanunay kong pag-five fingers kay si Narramore miingon man sa samang libro: “Masturbation does not cause insanity, feeble-mindedness, sexual impotency or sterility or stunted growth.”

Mora’g lapad sab kaayo ang gihimong research sa author sa pagsulat niya sa maong libro kay nakaingon man siya nga “masturbation is sometimes practiced by children, adolescents and adults.”

Ang nakahingpit gyud sa akong pagtuo nga dili abnormal ang akong pag-masturbate bisan sa linghod kong pangedaron mao ang giingon ni Narramore nga “every child is an explorer, learning about himself and his world largely through the sense of touch. With no intent to bring about erotic sensation, all small children do a certain amount of handling of their sex organs. In its milder forms, this is not serious and should be ignored. When parents deal understandingly with this behavior, it will usually disappear naturally.”

Mao man kini akong gibuhat sa una hangtod nga usa na gayod nga lehitimong masturbation ang akong gihimo. Busa dili gyud diay ko abnormal.

Sa unang higayon sa akong pag-five fingers, wala pa man toy mogawas gikan sa akong buli. Pero sa kadugayan, naa nay mogawas nga puti nga likido sa higayon nga ganahan na ako. Dili pa hinuon daghan. Pero nagtuo ko nga mao na kini ang gitawag nila og “semen.” -- Sumpayan pa