Ang mekaniko sa kagabhion

Gula 2

Igo lang mikatawa si Janice sa gisulti sa mekaniko nga mahimo ra’g hawok lang ang ibayad niya kun mapaandar niya ang makina sa sakyanan sa dalaga.

Taud-taud, mikalma ang uwan apan nagpadayon gihapon ang habo-habo. Migawas si Maning aron mopadayon sa pag-ayo. “Uy, mabasa ka Ning naghabo-habo pa raba,” giingnan ni Janice ang mekaniko.

“Walay problema. Paninguhaon nako nga moandar kini aron ko makahawok,” nagpahiyom si Maning nga mitubag sa dalaga. Nanaug na lang usab si Janice ug gipayongan niya ang mekaniko.

Taud-taud nahuman na og taud si Maning sa gisumpay niya nga fuel hose. Giingnan niya si Janice nga paandaron ang makina. Daw naglumpayat sa kalipay si Maning kay miandar ang awto.

Hinay nga gitikyop ni Maning ang payong ug gitunol ngadto kang Janice. Sigi, makapadayon ka na paglarga Janice. Mibalik pagbunok ang uwan.

“Dali sulod usa diri, diri sa front seat lingkod kay mabasa ka sa uwan,” matud ni Janice.

Salamat g’yud kaayo Maning ha nga napaandar mo ang awto. Gihikap ni Janice ang T-shirt sa mekaniko ug nasuta niya nga basa na kini. “Huboa usa nang imong T-shirt Ning kay basa na kaayo.” Gihukas tuod ni Maning ang iyang gisul-ob nga T-shirt. “A, magpasinguwan na lang ko Janice. Mao ra man gihapon, mabasa ra man ko nga magmotor,” ni Maning pa. “Ayaw uy, kun dili pa tungod nako dili ka maabtan sa uwan. O sigi, andam na ko sa akong bayad nga giingon nimo ganina,” nagpahiyom si Janice nga miatubang ni Maning.

Daw gidaug sa kauwaw si Maning nga nahinumdom nga giingnan niya si Janice nga pwede ra’g hawok ang ibayad kaniya kun mapaandar niya ang makina. Ingon sa gihagit na ang iyang pagka lalaki ni Janice. “Sigi na Ning, kiss ra man kaha,” matud ni Janice nga mibira dayon sa hand brake sa kotse kay wala man niya pagnga ang makina aron mohatag kanila’g kabugnaw sa aircon.

Wala damha ni Janice nga tumanon g’yud ni Maning ang paghawok kaniya. Giukoban sa ulitawo ang iyang ngabil. Daw nalubag ang lawas ni Maning dihang gihagkan niya ang mga ngabil ni Janice.

Lalim kaayo ang gibati ni Maning dihang misukol og hinagkanay kaniya si Janice pinaagi sa pakigdakpanay sa ilang mga dila.

Dali ra kaayong nanginit ang ilang kalawasan sa romansa. Lalim usab kaayo ang gibati ni Janice nga nahikap niya ang walay sapot nga lawas sa ulitawo.

Nagpanghiram na pagsugod si Maning sa dughan sa dalaga samtang padayon ang ilang pag-ukobay sa mga ngabil. Taud-taud, dunay gisulti si Maning kang Janice. “Jan, dili ko makapugong sa akong gibati karong higayona.” 

“Ingon usab niana ang akong gibati Ning,” dali nga tubag ni Janice. (Sumpayan pa)