Wala madugay dihang nanuktok sa pultahan. Naseguro niya nga sila na si Randy ug Megan ang anaa sa gawas.
“Come in,” miingon siya.
Natukas ang palid sa pultahan. Unya nakita niyang misulod sila si Megan ug Randy.
Nakugang sila dihang miyanghag siya ngadto kanila.
Kumosta kamo, Megan ug Randy Maglana?” Ni Jody.
“J-Jody?” Tuaw ni Randy nga nanagko ang mga mata sa pagkakita niini kaniya. “I-ikaw?”
“S-sis,” ni Megan usab nga klarong nahingangha. “Ikaw kini?”
“Ako bitaw,” ni Jody pa. “Nganong mora man mo’g nakakita og multo sa inyong pagkakita nako?”
“U-unsay buot ipasabot niini?” Sukit ni Randy.
“Unsa man kaha sa pagsabot mo?” Gisumbalik og pangutana ni Jody si Randy.
Nahaduko si Randy, daw dili makaharong sa iyang tinan-awan. Nagduko usab si Megan, daw naulaw pag-ayo kaniya.
“Akoy tag-iya sa UCV Holdings, Mr. Maglana,” tug-an ni Jody. “Ako usab ang tag-iya sa Standard Publications nga maoy nakapalit sa nabangkarota na ninyong Mozart Publications.” -- Sumpayan pa