Little black book

Gula 5

May mga higayon nga dula-dulaan nako ang akong sexual organ. Sa higayon nga ma-stimulate nako kini, dili nako kapugngan ang pagkurog sa akong lawas. Mangurog ko. Magpangimbig ko sa kalalim.

Nakadungog na ako sa makadaghan bahin sa pulong nga masturbation pero kay linghod pa lagi ko’g salabotan, wala kaayo ko makatugkad kun unsa kini. Pero sa ngadto-ngadto, inanay kong nakasabot kun unsa gyud ang maong buhat. Palami style diay ni!

Niini, nakapangutana ko sa akong kaugalingon kun ang akong gibuhat sa akong tari matawag na ba nga masturbation. Hangtod nga nakabasa ko’s librong Life & Love nga sinulat ni Clyde M. Narramore diin may definition siya sa pulong masturbation nga nagkanayon: “The handling and stimulation of the genital organs in order to receive sexual pleasure.”

Nadugangan na sab ang akong kahibalo mahitungod sa masturbation. Pero dili pa ko kontento sa akong nahibaloan. Nanghagdaw pa ko’g dugang kasayoran mahitungod niini gikan sa mga ulitawo sa among dapit. Kanunay man silang maghisgot bahin niini. Usahay ila kining tawgon og five fingers ug Maryang palad.

Misamot ang akong awareness, consciousness ug curiosity mahitungod sa akong tari. Kanunay ko na kining dula-dulaan. Motuskig ug motuyhakaw dayon kini sa higayon nga ako nang himas-himason. Hakgumon ko dayon kini sa akong kamot. Unya akong palihokon ang akong kamot nga naghakgom sa akong buli sa direksiyon nga paibabaw-paubos. Subli-subli.

Mabatyagan ko ang dili masabot nga kagilok ug kalalim sa higayon nga ingon niini ang akong buhaton sa akong tari. Hangtod nga ako na gyud kining gipahinaykan. Akong gipaspasan.

Pastilan! Haskang nindota sa akong gibati. Mora’g mapalong ang akong panan-aw dihang mikuyanap na sa akong lawas ang kalalim! -- Sumpayan pa