Nagduka bisan dili katulgon

Duha pa lang gani ka adlaw, sukad gikasal si Eser ni Goyong ning ilang dakong simbahan sa lungsod sa San Fernando diin kanunay na lang mag-alindasay si Eser sa iyang gihigdaan nga lantay.

"Mas maayo tingali Goyong, dili lang una ka moadto sa dagat, aron mamasol?" ni Eser pa nga nagpangupot sa kamot sa iyang bana.

"Maayo man god na nga sa panahon mangatol sa kahidlaw ang nagpanikad kong kagana ... anaa dayon ikaw sa akong kiliran!"

Ambot ba sad nga  tiguwang na man unta kini si Eser, nga dalaga, ingon man sa nabag-ohan nga nabuak ang kakuyos sa iyang pakwan? Way oras nga dili siya manghuy-ab ug magsigi og pikpik sa iyang bilahan.

Halawom nga gabii kadto sa adlaw'ng Sabado. Baloron ang dagat ug hilabihan kalubog. Wa man goy puas ang pagbunok sa makusog nga ulan. Dili masungasong ni Goyong, pagpangulin sa iyang binagsaan nga sakayan.

"Maayo hinuon Goyong, nga wa kana na lang modayon sa pagpamasol?" ni Eser pa nga way hunong ang pagpanghuy-ab.

Nagpangamay kaniya si Eser, nga pasudlon siya sa sibay, bisan pa man sa katun-og sa panahon.

"Bahala na lang nang pamasol Goyong, basta matuman gayod kining nagpungasi kong kahidlaw kanimo?" hapit dili makalitok og sulti si Eser.

Naglagubo ang kinatibuk-ang dapit sa may sibay, diin way hunong ang inudhak sa tingog ni Eser nga nagkanayon:

"Unsaaaa .... gayoyyyy .... imonggg ... gilamassss .... Goyongggg ... ngaaaaa ... hilabihannnnn mannn kalamiiiii!" misinggaak sa tumang kalanog ang tingog ni Eser.

"Hinaya lang Eser, ang imong tingog, basin mabatian kita sa atong mga silingan!" gibadlong siya ni Goyong.

"Unsay hinaya Goyong? Dili ug dili man gayod kapugngan ang kagana!" ni Eser pa nga misamot hinuon pagsinggit.

Nabuntagan ang magtiayon sa ilang pagdigamohay. Misuway si Goyong, pag-adto sa dagat.

Ambot og ngano nga bisan nalunhat na sa kagana sa katagbawan ni Eser, nagduka man lang gihapon nga nagpaabot si Goyong nga namasol.

Igo nalang siya mihagawhaw sa hilom ug nagkanayon:

"Karon pa diay ako nga kun maminyo kita nga dalaga nang guwang ... makaduka man diay kini bisan dili kita katulgon!" (Katapusan)