Anino sa adlaw

Gula 42

Ang sunod nga gihisgotan ni Ricky sa iyang programa mao ang plano sa gobyerno nga buhion pagbalik ang Anti-Subversion Law aron mapalig-on ang ilang kampanya batok sa insurhensiya ilabi na sa mga rebeldeng komunista. Mipadayag si Ricky sa iyang kabalaka bahin sa maong plano ug miingon nga kini ang labing kuyaw nga lakang nga himuon sa gobyerno. Sa panahom ni Ricky, iyang gipadayag nga maoy unang maigo niini ang mga cause-oriented groups nga mopahigayon og lihok-protesta sa kadalanan.

“Makapabalaka kini, mga higala,” ni Ricky pa sulod sa announcer’s both,” kay mora’g nanimaho na man kining martial law. Sa panahon ni Ramos gihatag na ang katungod sa katawhan pagpahigayon og lihok-protesta. Apan ning kasamtangang administrasyon, ingon sa gihikawan na ang katawhan pagpadayag sa ilang mga sentimento. Mora’g gustong patyon sa atong presidente ang diwa sa demokrasya.

Samtang nagpadayon si Ricky sa pagtuki sa maong isyu sa iyang programa, nakadawat si Ricky og tawag sa telepono gikan sa secretary general sa Mamamayan Muna-Central Visayas. Buot kining mo-interact sa iyang tulumanon. Gihatagan ni Ricky og higayon nga makapadayag ang secretary general sa Mamamayan Muna-Central Visayas sa mga panahom niini sa kahanginan.-- Sumpayan pa