Testigos pabor sa kaatbang

Atubangan ni Judge Jerome Bertes gibista karong buntaga ang kasong rape batok kang Rel Becalas, 18 anyos. Ang kasamtangang nanistigos si Efren Larrobis, uyuan ni Rel, maguwang sa iyang Mama Marivel. Ikatulo ug katapusang testigos sa depensa si Efren. Gilalis pag-ayo ni Rel si Atty. Alex Tudtud iyang abogado. Kay sa sobra ka relihiyoso ining iyang uyoan, di kaantigong mamakak. Di unta gusto sa abogado nga mosulti si Efren. Apan namugos gyud si Rel.

Uyab ni Rel si Mary Jane, 13 anyos. Usa ka fan o magdadayeg si Mary Jane ni Rel. Kay si Rel sikat nga basketbolista sa Maritrans Academy ning dakbayan. Third year hayskul si Rel. First year si Mary Jane. School mates sila sa maong tunghaan. Humot kaayo sa mga tsiks si Rel. Apan si Mary Jane gyuy iyang gipatulan bisag minor de edad. Ang depensa ni Rel nga wa niya pugsa si Mary Jane sa pakighilawas. Nisulti sab si Michael Damayo ang star witness sa depensa.

Bisperas tong gabhiona sa piyesta sa baryo Kintolimbo ning dakbayan diin nagpuyo si Rel. Giimbitar niyag disco si Mary Jane. Dihang gipul-an na sila’g sinayaw, nigawas sa basketbolan sa baryo diin gipahigayon ang disco. Nag-istorya sila kilid sa nag-parking nga dekarga. Hilit ug mingaw ang dapit giparkingan sa dekarga. Dapit sa too sa dekarga may koral nga hollowblocks. Nagsugod silag romansa. Nagpahimulos sa higayon nga nasalipdan silas dekarga. Way tawong makakita sa ilang gibuhat nga nagsandig lang sa toong habig sa hood.

Truck boy si Michael nga natulog sa taas sa dekarga kay hubog na. Grabe ilang inom sa gipamistahan niya ug sa drayber nga si Noel Penaflor. Wa pa gani nibiya si Noel didto. Si Michael, kay di anad og inom, daling nahubog. Nakamata siyas kasikas dapit sa dulong sa dekarga. Gilili niya. Maoy iyang nakita silas Rel ug Mary Jane nga nagtindogay lang nga nagtagay sa himaya. Tagbaw si Michael sa live show nga iyang nakita. Siya ray audience.

Pagkahuman, naratol si Rel. Kay nidugo ang bilahan ni Mary Jane. Grabe pa sa regla. Daw hemorrhage. Birhen gyud diay si Mary Jane. Gidala ni Rel si Mary Jane sa balay ni Tiyo Efren niya. Apan sa dalan pa lang, daghan nang nakakita ni Mary Jane nga nagbakabaka ug may nagtabisay nga dugo sa mga batiis.

Gitabang dayon ni Efren si Mary Jane. Gidala sa ospital. Unya nasuta didto sa doctor nga nabitasan si Mary Jane. Duhay bitas. Six o' clock ug nine o'clock. Dako ug taas man gong pagkatawo si Rel. Unya si Mary Jane gamay nga babaye. Wa gani kapugong sa abaga ni Rel.

May nakasumbong sa ginikanan ni Mary Jane, nga nagpuyo sa Little Baguio silingang baryo. Tungod sa ilang kaulaw sa hitabo, nikiha sila’g rape batok kang Rel. Ug ilang gipugos ilang anak pagpasulti nga gi-rape siya ni Rel. Bisag di tinood. Ang mga testigos batok ni Rel, sila si Mary Jane, iyang mga ginikanan ug ang doctor nga nieksamin ni Mary Jane.

Paghuma’g sulti ni Efren sa direct testimony, gipangutana siya ni Prosecutor Jover Campus sa cross examination.

"Sa pag-abot nila ni Rel ug Mary Jane sa balay nimo, unsay unang gisulti ni Rel?" sa prosecutor.

"Tabangi ko tiyo. Kay akong na-rape si Mary Jane" ni Efren.

Wa na dayon nidugang og pangutana ang prosecutor. Kasinggiton sa kalagot si Atty. Tudtud.

Paghuman ni Atty. Tudtud og presentar sa tanan nilang testigos ug ebidensiya, gipasumiter sa huwes ang kihante ug sinumbnong og Memorandum. Sa maong papel nila isaysay ang tanang argumento sa complainant ug sa akusado. Naningkamot si Atty. Tudtud sa argumento nga ang mga modernong babaye, bisag teenager pa, init gyud sa sex. Mao nay mohagad o mangitag higayon sa pakighilawas. Nisumiter siyag magazine nga ang cover girl buntis nga diyes anyos nga babaye.

Bisag giunsag istrokis ni Atty. Tudtud, pildi gyud sila. Nakonbikto si Rel. Gisentensiyahan og bayente anyos nga pagkabilanggo. Gipabayad og P100,000 sa kaulaw sa biktima. Ang pinakabug-at nga ebidensiya batok ni Rel, ang gisulti ra gyud sa iyang uyoan.

"Bug-at ang pulong sa testigos nato batok nato" pasabot ni Atty. Tudtud. Puwerteng mahay ug minghoy ni Rel. (Alang sa libre nga konsulta, guntinga ning sugilanon ug dad-a sa opisina sa tagsulat. Iatol og Sabado)