Maestra

Gula 9

Gikuyogan ni Sim si Riza paingon dinhi sa dakbayan. Ang tumong nila mao ang pagpatsik-ap kun tinuod ba nga mabdos ang batan-ong maestra. Wala masayop si Riza kay positibo ang resulta sa pregnancy test.

Wala niya kapugngi ang pagpanglugmaw sa iyang mga luha kay nagkahulogan kini nga mataktak siya sa iyang pagka maestra kun masayran na sa kadagkoan sa Department of Education nga siya nagmabdos nga walay bana.

Apan giam-aman si Riza ni Sim ug gipasaligan nga andam siya nga mobangon sa iyang kadungganan. Daw sa nalipay pa gani si Sim nga nagsabak si Riza.

“Wala ka ba magtiaw Sim? Basin imo na lang ko nga talikdan karon nga mabdos na ko,” mabalak-on kaayo ang tuno sa tingog ni Riza, apan abtik nga mipakgang kaniya ang ulitawo.

“Riz, wala ko magtiaw nimo. Ikaw maoy babaye nga akong dad-on sa altar sa kaminyoon,” matud ni Sim samtang mihapyod-hapyod sa luhaan nga aping sa maestra.

Tungod sa kalipay, nagakos ni Riza si Sim samtang padayon ang paglugmaw sa iyang mga luha. “Luha kini sa kalipay Sim kay abi ko man gud og imo na lang ko nga talikdan karon nga mabdos na ko,” matud ni Riza.

Gitakda dayon ang kasal nila ni Riza ug Sim. Sanglit tubig-tubigan man ang pamilya nila ni Sim, wala g’yud makawang ang hangyo ni Sim nga himoong engrande ang ilang kasal ni Riza.

Ang kadagkoan sa DepEd ug mga pinili nga opisyal sa dakbayan sa Sugbo maoy nagsilbi nga ilang mga sponsors sa kasal.

Usa sa mga opisyal sa DepEd nga nahimong sponsor sa ilang kasal, mipasalig ni Riza nga dili na siya adto sa bukid idistino. Misugyot kini kaniya nga anhi na mag-maestra sa syudad.

Apan nagkasabot sila si Riza ug Sim nga adto na lang g’yud siya magtudlo sa bukid kay adto sila magtukod og ilang panimalay.

Pagka gabii na, hilom na kaayo ang palibot didto sa bukid. Apan wala pa mangatulog sila si Sim ug Riza.

“Angkonon ko ikaw karon Riz sa unang gabii sa atong kaminyoon,” hunghong ni Sim sa iyang asawa.

Giluknit ni Riza ang kilid sa iyang bana nga hinay-hinay na nga mihushos sa iyang gisul-ob nga padyama, apil na ang tabon sa labing mahinungdanong parte sa iyang lawas.

Giukoban dayon ni Sim ang mga ngabil sa maanyag niyang asawa ug nagdakpanay na usab ang ilang mga dila.

Taud-taud mius-os si Sim ug misawom sa bilahan ni Riza nga wala kapugong sa pag-igwad sa kagilok sa gihimo sa iyang bana kaniya.

Gitak-om ni Riza ang iyang mga ngabil ug gipiyong ang iyang mga mata aron matagamtam niya ang kalalim sa kinabuhing minyo. (Kataposan)