Gula 48
Hangtod nga nahimong lihokan ang mga kamot ni Randy. Samtang giukuban niini’g halok ang iyang ngabil, ang wala niining kamot mihapuhap sa iyang bukobuko samtang ang tuo nagpanghiram sa nag-ugdo niyang dughan. Nabatyagan ni Jody nga daw dihay kapid-an ka boltahe sa kuryente nga milukop pagkuyamang sa iyang kalawasan. Mihangos siya sa gibating kalalim.
Unya milunga si Randy sa paghalok sa iyang mga ngabil. Miaginod ang dila niini ngadto sa iyang liog. Sa iyang punoan sa dalunggan.
Gipiyong ni Jody ang iyang mga mata samtang gipahit niya ang iyang wait. Dili mahubit ang kalalim nga iyang gipamatyag. Daw mahutdan siya sa hangin. Nabatyagan niya ang pagpanginit sa iyang kalawasan.
Apan naigking silang duha dihang mitingog ang buzzer sa pultahan sa lawak nga ilang giokupahan. Mihunong si Randy sa gibuhat niini kaniya.
“Shit!” Nakaingon siya gumikan sa kalagot. Kay giganahan na siya pag-ayo sa gihimong palami ni Randy kaniya. Unang higayon kini sa iyang kinabuhi.
“Kadiyot lang kay akong susihon,” nagkanayon si Randy. “Mao na tingali kana ang naghatod sa mga pagkaon nga akong gi-order.” -- Sumpayan pa