Gula 4
Wala balibari ni Dianne ang pagdapit kaniya sa iyang maestro nga si Mr. Conde nga makig-date kaniya inigka-gabii. Nangayo ang maestro sa contact numbers ni Dianne ug miingon nga mokontak ra siya sa gabii.
Pagkahapon, giteksan ni Dianne ang ilang floor manager ug giingnan nga dili maayo ang iyang pamati sa panglawas ug hayan dili siya maka-duty sa gabii. Sayo kaayo nga nag-andam si Dianne. Gwapa na kaayo siya sa iyang pagsud-ong sa samin.
Kalit lang mitingog ang message alert sa cellphone ni Dianne ug wala siya masayop kay si Mr. Conde ang mi-text kaniya. Giingnan si Dianne nga adto siya maghuwat sa fast food store atbang sa USC.
Paglabay sa 15 minutos, didto na si Dianne sa fast food ug giduol dayon niya ang iyang maestro. “Pag-order og imong food. Mangaon usa kita sa dili pa kita manglakaw,” matud ni Mr. Conde.
Human sa ilang pagpangaon, nanggawas sila, nag-una si Mr. Conde ug mipaingon sa asul nga kotse nga giparada kilid sa fast food store.
Naikog kaayo si Dianne kay ang maestro pa ang miable sa pultahan sa front seat aron adto siya molingkod.
“Adto usa kita sa TOPS Yan, nindot kaayo didto nga magpalabay kita sa oras,” matud sa maestro nga misugod na pagpadagan. Nindot g’yud tinuod ang bukid suroyan panahon sa gabii.
Pag-abot nila sa kinatumyan sa bukid, giparking dayon ni Mr. Conde ang kotse ug gibuksan niya ang pultahan nga didto naglingkod si Dianne. Misulod sila sa TOPS human makabayad sa entrance.
“Hala kanindot sud-on sa kinaubsan Sir no? Bugnaw pa kaayo ang hangin dinhi sa ibabaw sa bukid nga nag-umbaw sa syudad,” matud ni Dianne ngadto sa iyang maestro.
“Swerte tingali kaayo ko kay sa tanang mga classmates nako ako g’yuy imong giuban og suroy dinhi Sir,” dugang pamahayag ni Dianne. “Ayaw na ko’g tawga og Sir Yan, just call me Roy,” matud sa maestro dungan sa pag-agbay sa babaye.
Gikan sa ordinaryo nga agbay sa maestro sa abaga sa iyang tinun-an, inanay kini nga nahimong usa ka mapinanggaong gakus samtang ang maestro diha sa iyang likod nagtindog.
Wala damha ni Dianne nga ang sunod nga panghitabo mao nga giukoban na siya sa ngabil sa iyang maestro. Wala masayud si Dianne sa iyang sunod nga buhaton hangtud nga giganoy siya sa lawasnong kahinam.
Ning higayuna, hinay-hinay nga miatubang si Dianne sa iyang maestro ug nakigtigi kini sa matam-isong pag-inukobay sa ilang mga ngabil. (Sumpayan pa)