Gula 88
“Nia ko tungod sa mahinungdanon kaayong katuyoan, Lonia,” nagkanayon si Rev sa tono sa tingog nga seryoso kaayo.
“U-unsa kana, Rev?” Sukit sa dalaga.
“Dili na lang ko maglikoliko pa sa akong tuyo. Kinahanglang sultihan ko ikaw sa matuod.”
“U-unsay buot mong ipasabot?”
“I love you very much.”
“R-Rev?” Nakugang pag-ayo si Lonia nga wala magdahom nga mangulitawo si Rev kaniya. “Unsa ba kining imong gihimo? Gibugalbugalan ba ko nimo?”
“Dili pagbugalbugal kining ako, Lon,” ni Rev. I really love you.”
Pero may hinigugma ka na, si Mylene de Jesus.”
“Mylene is nothing to me by now. Nagbuwag na mi. Kaganina pa lang gyud.”
“Pero dili gihapon mahimo, Rev. May hinigugma na ko. Nasayod ka nga may relasyon na kami si Mike.”
“Tinuod kana. Pero bisan pa man sa maong kasayoran nangahas gihapon ko sa pagpadayag sa akong gibati nganha nimo tungod kay anaa ra kanimo ang paghukom kun kinsa namong duha ni Mike ang mas bug-at diha sa imong kasingkasing.”
Naghinuktok sa makadiyot si Lonia.
“I-I’m sorry, Rev,” mikurog ang tingog ni Lonia sa iyang pagtingog pagkilab sa pipila ka daklit. “Pero dili ko makahimo sa pagdawat sa imong gugma. Gihigugma ko si Mike. Hinaot unta nga makasabot ka.” - Sumpayan pa