Idlas ang katumanan sa gugma

Wala na motubay si Lonia sa gisulti sa ulitawo. Nakabantay siya nga mibalik paglutaw ang kaseryoso sa panagway niini.

“Makaikag ang inyong relasyon,” nagkanayon si Rev. “Sa akong tan-aw, ingon sa intact kaayo ang inyong relasyon.”

“D-dili ba intact man usab ang relasyon ninyo ni Mylene de Jesus?” Wala sa hunahuna nga nabungat ni Lonia ang maong pangutana.

Milingolingo si Rev. “Naa sa rough waters ang relasyon namo ni Mylene.”

“Unsay buot mong ipasabot?”

“Mylene is imposible to deal with. She’s weird, selfish and uncaring. Kanunay kong nagpailob ug mi-adjust sa iyang kinaiya pero misamot ang iyang kasalawayon. Karon mitab-ang na pag-ayo ang among relasyon.”

“Talking can smooth the way for everything. A few good words, well placed, can even mean the whole world. They add a whole dimension to love, and they make a relationship grow new roots. Tingalig kini ang nakulang sa inyong relasyon. Kinahanglang panagsultihan ninyo kun unsa man ang problema sa inyong relasyon aron kini kapangitaan og solusyon.”

“Ambot lang kaha, Lonia. Pero para nako, mora’g kasurenderon na gyud ko sa kinaiya ni Mylene,” milabhag ang kasubo sa nawong ni Rev. - Sumpayan pa