Nakatulog pagbalik si Zeny human niya matilawi ang grabe nga kagilok tungod sa goat’s eye nga gigamit ni Rolly sa ilang kumbati sa kama.
Taud-taud, pareho silang nahipugwat sa ilang hamubo nga paghinanok tungod sa bagting sa intercom. Gipahibalo sa front desk personnel sila si Zeny ug Rolly nga napupos na ang tulo ka oras nila nga short time.
Nagdali sila pag-ilis aron dili makabayad og subra sa short time. Sa taksi nga ilang gisakyan, daw pilit pa sa rugby si Zeny ngadto kang Rolly. “Best ka g’yod Rol kay gilupig ko nimo. Nganong gilok man to kaayo uy!,” sukna ni Zeny kang Rolly. Nakita ni Rolly sa front mirror sa taksi nga ang hamtong nga drayber nakapahiyom sa pagkadungog sa pangutana ni Zeny. Ingon niadto ang sinugdanan nga si Zeny nahimo na nga partner ni Rolly.
Igo na lang god nga teksan ni Rolly si Zeny kun gusto siya nga malingaw uban sa gwapa nga boring. Pirmi g’yod niya nga gamitan og goat’s eye ang iyang mga sex partners.
Usa ka higayon nga nakabalik si Rolly sa Sanciangko’s Wildflower, gikakita na usab niya ang higala niyang bugaw nga maoy mihatag kaniya ni Zeny. “Sir duna ko’y laing ihatag nimo, gwapa ug seksi gihapon. Siguradong dili ka g’yod magmahay.”
“Batan-on ba gihapon?,” gisukna ni Rolly ang bugaw. “Mora’g manghud nimo’g pila ka tuig Sir,” abtik nga tubag sa bugaw.
Basi sa ilang sabot ug sa bugaw, mag-una gihapon siya didto sa Q2 Motel nga maoy suki na kaayo niya nga sudlanan. Gisusi usa ni Rolly ang iyang pitaka kun duna pa ba siya’y goat’s eye.
Didto sa motel, giandam daan ni Rolly ang kaugalingon ug gihumol na usab niya sa tubig sa baso ang goat’s eye. Tag-as kaayo og pilok ang maong goat’s eye nga nahabilin sa pitaka ni Rolly.
Nag-brief na lang siya nga naghigda-higda sa kama. Taud-taud, may nanuktok sa pultahan. Pagbukas ni Rolly nakita niya ang higala niyang bugaw ug may kauban nga babaye, apan nagpasiga ang iyang mga mata.
Wala siya mahimutang ug daw dili makatoo. Gibayran niya ang bugaw ug gipasulod sa kwarto sa motel ang babaye. – Sumpayan pa