Lovers in Pari-an
Gula 79
Apan kalit lang silang nahunong pagkanta. Nakalantaw sila didto sa taas sa dakong balay. Gipasiga ang suga sa sulod sa lawak-katulganan ni Atty. Gumera.
“Nagmata tingali si Atorni,” ni Rosalinda.
“Sibat na,” ni Bongkoy. “Tingalig masuko siya kanato.”
Midali pagbalik si Rosalinda sa iyang lawak sa servant’s quarter samtang si Bongkoy misulod usab sa iyang katulganan sa garahe.
Buntag. Sama sa naandan, nanglimpiyo si Rosalinda sa balay. Maoy una niyang gilimpiyohan ang sala. Unya gisunod niya paglimpiyo ang lawak ni Atty. Gumera dihang migawas kini ug naligo.
Human malimpiyohi ang lawak sa agalon, migawas na si Rosalinda sa lawak niini. Naatol nga mao usay paggawas ni Bongkoy gikan sa pikas lawak. Nakalitan si Rosalinda sa iyang nakita.
“N-nag-unsa ka diha, Bongkoy?” Nakapangutana siya gumikan sa kahibulong.
“H-ha?” Nahakanga si Bongkoy nga iyang nahimukdahan. “A-aw, wa man. Gisugo ko ni Atty. Gumera sa pag-ayo sa suga sa lawak sa iyang anak.”
“M-mao ba?” Mora’g taphaw ang pagtuo ni Rosalinda sa pamahayag ni Bongkoy. -- Sumpayan pa
- Latest
- Trending
