Dili makumkom sa kadako

"Wa ka mabuang Ines, nga makigminyo kang Tinong, nga hilabihan intawon kasapsing ang lawas?" ni Uray pa Peran nga gibati og dili tiaw nga kahingawa sa iyang bugtong anak nga dalagang guwang.

"Unsa man unya ang mapaabot nimong hingpit nga katagbawan, nga sa akong pagtuo hilabihan man intawon kagamay nianang imong mabana og buhi nga sarang ka nga mag-din-a?"

Naamang sa makadiyot si Ines. Kuwang siya sa pagtuo sa giingon kaniya sa iyang inahan, nga utro usab nga taudtaod na nga nabiyuda.

Gikutaw karon ang ulo ni Ines, nga naghunahuna nga kun gamay pa og buhi kini si Tinong, ngano man tuod nga miagi na siya og upat ka asawa, pulos man nangamatay? Dili ra ba matuis sa iyang hunahuna, nga iyang nadunggan gikan sa ilang silingan ning ilang balangay sa Bugho, nga kasagaran sa nangaanhing niyang asawa, kay nangabughat sa una pa lang gani kuno nga pagdigamo ni Tinong, sa gabii human sa ilang kasal.

Hapon kadto sa adlaw'ng Sabado. Nagkasugat si Uray Peran, ug si Tinong sa may simangan nga dalan kay magpalunang sa iyang kabaw.

Gisukmatan ni Uray Peran si Tinong, diin kini nagkanayon:

"Ayaw na lang ipadayon ang imong tinguha, sa pagpangasawa sa akong anak nga dalagang guwang Tinong?"

Naamang sa makadiyot si Tinong.

"Sa unsang katarongan nga dili ako modayon sa pagpakasal ni Ines, Uray Peran?" nagkanguhal ang sinultihan ni Tinong.

"Basin ikaw ang mamatay, sa kasapsing sa imong lawas?" daling mitubag si Uray Peran.

"Kun nangamatay tagsa-tagsa ang upat mo kaasawa, kadtong tanan wa ko mahibaw-i!"

"Makita ra unya nimo ang katag Uray Peran!" nangandak si Tinong.

Sa gabii ... human sa kasal ni Tinong ug Ines, dili gayud tiaw ang kakulba nga gibati ni Uray Peran, nga seguro man gayod nga makriminal ang iyang anak ... hangtud nga mao na lamang ang nasawod sa duha ka dunggan ni Uray Peran ang singgit pakitabang ni Ines, nga nagkanayon:

"Tabanggggg ... intawonnn ... Nayyy Perannnn .... kayyyy ... diliiii koooo makumkommm anggg gidak-onnnn saaa kadakooo ... ngaa nagbitay ubos sa bilahan niii Tinonggggg!"

Hapit kuyapi si Uray Peran nga nagsud-ong sa kataas sa buhi ni Tinong. (Katapusan)